MATAGAL-TAGAL na rin hindi nagpaparamdam sa kanyang vlog channel ang Kapuso actress na si Rhian Ramos. Sa katunayan, miss na nga siya ng mga fans niya eh!
Kung sa telebisyon ay nakatakda na ang kanyang pagbabalik-teleserye via Artikulo 247 kasama sina Kris Bernal, Mark Herras at Benjamin Alves, may major comeback din ito sa kanyang channel!
Halos isang taon nang nakatira si Rhian sa inuupahang condo unit, pero ngayon lang niya naisipan na ipasilip ito sa kanyang mga fans. Espesyal ito para sa magandang dalaga dahil naging hands on siya sa renovations at personal na pinili ang mga gamit na ididisplay.
Kung kailangan niyo ng inspirasyon for a minimalist design for a condo unit, watch na!
