Vicki Belo, dinenay na sila na ni Hayden Kho – Morly Alinio

Vicki Belo, dinenay na sila na ni Hayden Kho - Morly Alinio
Vicki Belo, dinenay na sila na ni Hayden Kho - Morly AlinioITINANGGI NI VICKY Belo na nagkabalikan na sila ni Hayden Kho, pero aminado siyang lagi silang nagkikita ngayon ni Hayden.

“We are just friends at kahit anong mangyari ay hindi na mawawala o mabubura ang magandang pinagsamahan namin. Actually, totoong lahat ‘yung mga nakikita ng mga tao na magkasama kami a Powerplant at nagkasama rin kami sa Batangas, pero ‘yun ay dahil sa mga sitwayong hindi mo talaga maiiwasan. Yes, mabait sa akin si Hyden at kung anuman ‘yung mga nagawa niya nu’n na ikinasama ng loob ko,e, napatawad ko na siya,” pahayag iyon ni Vicky sa amin na nagsabi pa rin na dapat igalang nating lahat kung anuman ang naging desisyon sa kaso ni Dr. Hayden na kung saan ay pinatawan ito ng two years suspension.

HINDI KO MAINTINDIHAN sa ibang tao bakit ganu’n na lang ang galit nila o pang-iintriga kay Angel Locsin matapos na tumulong ang aktres sa marami nating kababayang nasalanta ng bagyong si Ondoy. Ang sabi nila, kaya raw nakapagbibigay ng donasyon si Angel ay dahil may papa itong milyonaryo. In the first place, walang bagong boyfriend si Angel. After Luis Manzano,e, wala pa siyang time na makipagligawan. Secondly, wala akong nakikitang masama kung magbigay ng tulong si Angel sa marami nating kababayan dahil likas na mabait at matulungin lang siya sa mga taong nangangailangan. Sa halip na pasalamatan siya sa magaganda niyang ginagawa ay bakit ginagawaan pa siya ng intriga,”  pahayag ng isang taong malapit kay Angel bilang sagot sa isyung may isa raw milionaire benefactor ang aktres kaya nakatutulong ito kahit sabihin pang wala namang masyadong raket ngayon sa showbiz.

“Maraming artista ang mas sikat at mas mayaman kay Angel pero tumulong ba sila sa mga kababayan natin na nangangailangan? At alam ba ninyo na kung maaari ay ayaw ipinagsasabi o pinapa-publish ni Angel ang mga ginagawa niya kaya lang artista siya kaya hindi maiwasang malaman ng media kung anuman ang kanyang mga ginagawang pagtulong. Tumutulong si Angel dahil iyon ang nature niya, likas siyang matulungin.”

Hindi na raw kailangang magbigay-komento pa ni Angel kaugnay sa sinasabing Chinese businessman na manliligaw niya dahil wala raw iyong katotohanan, ang lahat ng mga perang idino-donate ng aktres ay galing sa kanyang pinaghirapan.

Blind item: Hiram na jacket, ipinamigay ng TV host

More Luck
by Morly Alinio