Tinuldukan na ang patuloy na pagtatapat sa kanila
Angel Locsin, hinarap si Marian Rivera!

MARIING ITINANGGI ni Angel Locsin ang mapanirang balita tungkol sa diumano’y kumakalat niyang nude photo sa internet. “Matagal na iyon. Ilang beses na rin sa akin pinost iyon ng mga bashers. Hindi ko nga alam kung ano ang gagawin ko. Sigurado ako na hindi ako talaga iyon,” deklara niya nang tanungin siya ng The Buzz during the press visit on the set of Toda Max.

Aside from this controversy, Angel is also being pitted against Marian Rivera. Sinasabing naging matensyon daw ang kanilang paghaharap sa isang magazine pictorial. Nauna nang pinabulaanan ang balita ni Marian who said na masaya siya for being given the chance to work with Judy Ann Santos, Anne Curtis, Charlene Gonzalez, and Angel for the cover of a men’s magazine.

Tinuldukan na rin ni Angel ang patuloy na pagtatapat sa kanila ni Marian. “Nakakatawa nga iyong nagkita kami. Parang nasa baba na sila, sabi ko sa kanya, ‘Kailangan nating mag-usap,’ sabi kong ganoon. Tumawa siya tapos ‘Oo nga,’ sabi niya. Parang pagod na raw siya na laging kino-comprae kami sa isa’t isa eh, wala naman kaming isyu. Niyakap ko siya, niyakap niya ako. Tapos nag-chikahan na kami sa mga pinagdaanan namin sa buhay.”

Dagdag pa ni Angel, “Sa amin, wala kaming away. Siguro parang naging aloof kami sa isa’t isa kasi laging nako-compare. Sana huwag na lang po ganoon. Wala namang ginagawang masama sa akin si Marian. Ako sana wala namang nagawang masama sa kanya. Okay naman siya sa akin.” Natutuwa raw siya kay Marian dahil kalog, humble, at laging nakangiti ito.

Although there is no bad blood between them, Angel thinks it’s not yet the right time to have a movie together. “Kung para lang magkaroon ng isyu ang project kasi sayang lang iyong performance namin, iyong galing ng director, scriptwriter kung matatabunan lang ng isyu. Parang hindi pa siguro naaayon pero kami wala kaming problema.”

Kaibigan, usap tayo muli!

Points of Boy
by Boy Abunda

Previous articleDingdong Dantes, naudlot ang paglabas ng serye dahil sa sunog
Next articlePinoy Parazzi Vol 6 Issue 125 October 7 – 8, 2013

No posts to display