Tahimik lang kasi sa issue ni Anne Curtis
Jake Cuenca, bad trip sa akusasyong naduwag daw siya

Jake-CuencaCONSISTENT PA rin si Jake Cuenca sa pagsasabi na hindi niya nakita ang insidenteng pananampal ni Anne Curtis kila John Lloyd Cruz, Phoemela Barranda at sa iba pa nitong mga kasama sa Prive Luxury Bar kung kaya’t naiinis siya at naba-bad trip sa mga sinasabi ng iba na naduwag at nawala na lang siyang bigla nang mangyari ito.

Ayon pa sa aktor, kaibigan niya sina Anne at John Lloyd, pero iba ang kasama niyang mga kaibigan nang gabing iyon. Kausap niya ang ilan niyang mga kaibigan at nu’ng papanhik na siya ay nagtaka nga siya na wala nang mga tao at dahil pala iyon sa nangyaring insidente.

Dagdag na kuwento pa ng aktor, nag-text agad sa kanya si Anne at humingi ng tawad dahil nadamay siya at nagsabi nga siya rito na pasensiya na rin at hindi man lang siya nakapag-hi sa aktres.

Sa issue naman na lumabas na lamang na raw si Sam Milby sa panliligaw kay Jessy Mendiola at ito raw malamang ang sagutin ng aktres, kampante namang nagsabi si Jake na kung sino man ang piliin sa kanila ng kapareha, irerespeto niya bilang isang lalaki, lalo na at hindi naman siya nagmamadali na pumasok sa panibagong relasyon.

Tinuturing na kaibigan si Sam at hindi kakumpetensiya kay Jessy, siniguro ni Jake na magiging masaya siya kung sinuman ang pipiliin nito at hindi siya magiging hadlang kahit kailan sa makapagpapasaya sa aktres.

Maiba Lang
By MELBA R. LLANERA

Previous articleDaniel Padilla at Kathryn Bernardo, hinabol ng multo
Next articleHinahayaan lang ang kilig
KC Concepcion, ayaw masaktan kaya ayaw ring seryosohin pa si Paulo Avelino

No posts to display