Rampa everywhere ang moda ng balik-‘Pinas nating bida. Kung gaano kasi kadali ang pagpapatumba niya sa pambato ng Britanya, bisi-bisihan naman siya ngayon sa kabi-kabilang okasyong inilaan para sa tagumpay na natamo niya.
Siyempre pa, hindi binigo ni People’s Champ Manny Pacquiao ang mga Pinoy na itinigil ang ikot ng kanilang mundo para lang masaksihan ang inaabangang laban ng ating bida.
Sa isang motorcade na ginanap nitong Lunes, talo pa ni Pacman ang artista sa dami ng mga tagahangang nag-abang sa kanya. Kasi nga naman, kung ang mga ka-berks at fans niya sa Tate, eh, may victory party pa, sa mga ordinaryong Pinoy sa isla ng ‘Pinas, sapat na ang masilayan ang kamao at ngiti ng ating bida.
Pero Pacman, pagod ka na ba? Isipin mo na lang, ang ginagawa mo, eh, ang natitirang 10 rounds ng laban mo kay Ricky “Hitman” Hatton.
by Mayin de los santos
Photos by Luz Candaba
