Shooting ng pelikula nina Coco Martin at Angeline Quinto, itinigil!

SA PRESSCON ng Legacy, nakausap namin si Heart Evangelista na agad na klinaro sa amin ang bali-balitang kaya ‘di na raw tuloy ang balak nilang pagpapa-kasal ni Daniel Matsunaga sa taong ito ay dahil nauwi na raw sa hiwalayan ang relasyon nila.

Ayon sa aktres, sila pa rin ng Brazilian boyfriend at maayos ang tinatakbo ng kanilang relasyon, ang usaping pagpapaksal ay malayo pang mangyari dahil hindi naman sila nagmamadali at wala pa ito sa kanilang plano. Sa tanong namin kung nakita na ba niya kay Daniel ang lalaking gusto niyang pakasalan at makasama habang-buhay, sumagot naman sa amin si Heart na sa apat na naging boyfriends niya, lahat ng mga ito ay kinakitaan niya ng potensyal na maging asawa pero dahil bata pa nu’n ay nauwi rin sa hiwalayan ang lahat.

Pinagtatakhan kung paano naugnay ang pangalan sa break-up nina Rhian Ramos at Mo Twister, aminadong kaibigan niya ang DJ/TV host, pero nagpakatotoo sa amin si Heart na ayaw niyang ma-involve ang pangalan sa problemang kinahaharap ng dalawa lalo’t masaya siya sa piling ng boyfriend.

Tinanong din namin kung bukas ba siyang makatrabaho si Jericho Rosales na siyang inaabangan ng mga tagahanga nila. ‘Di itinago ng aktres na dahil sa mga kumplikasyon at gulong pinagdaanan ng relasyon nila ng aktor, mas mabuting hindi muna ito mangyari sa ngayon.

KUMPIRMADONG HINTO muna ang shooting ng pelikulang pinagbibidahan nila Angeline Quinto at Coco Martin, ang You Light Up My Life dahil busy ngayon ang aktor sa taping ng seryeng Walang Hanggan. Kapareha si Julia Montes, agad naming tinanong si Angeline kung ‘di ba siya nag-aalala na baka makaapekto sa magiging resulta ng pelikula nila ang pakikipagtambal ni Coco kay Julia, pinaliwanag naman sa amin ni Angeline na kinausap na siya ng aktor tungkol sa nasabing serye at kahit nalungkot siya ay naiintindihan naman niya dahil desisyon ito ng management ng ABS-CBN.

Sa kabila ng pagiging open ng malalim na paghanga kay Coco, heto’t may mga balitang lumalabas na nagkukuwestiyon sa gender ng singer. Agad namang klinaro sa amin ni Angge na alam naman ng tao na babae at kung may pagka-boyish man siyang kumilos, ito ay dahil laki siyang Sampaloc, laki siyang kalye na hindi naman niya ikinahihiya.

Maganda ang working relationship kay Coco, kung saan inamin naman ni Angeline na habang nakikilala niya ang aktor ay lalo niyang napapatunayan na hindi siya nagkamali ng taong hinangaan. Nang tanungin namin kung may regalo ba sa kanya ang aktor nu’ng nakaraang Pasko, wala ang sinagot sa amin ng singer pero nagbatian naman sila ng Happy New Year. ‘Di naman nagsasara sa tawag ng pag-ibig, ayon kay Angeline ay bukas naman siya kung may darating, pero kung wala naman ay okay lang at pokus muna siya sa kanyang trabaho.

Nagpapasalamat din dahil namatay na ang isyu na kinukumpara at pilit silang pinagsasabong ni Sarah Geronimo, para kay Angeline ay magkaibigan talaga sila ni Sarah at isa ito sa pinagkakatiwalaan niya sa mga kaliga niya.

Naging paborable ang taong 2011 kay Angeline, kung saan nakakuha siya ng 10 awards sa larangan ng musika at nasubukan na rin niyang umarte sa pelikula. Sa 2012 ay hinihiling ni Angeline na sana ay mas marami pa siyang awards na makuha at lalo pa niyang mapagbuti ang kanyang pag-arte.

BAGO MATAPOS ang taon, pumutok ang balitang nanliligaw na raw si Gerald Anderson kay Sarah Geronimo. Nasulat na dumalaw raw sa commercial shoot ng Pop Princess, ayon sa aktor ay tine-take niya ang tsansang ito para higit na makilala ang aktres at hindi naman siya nagmamadali. Klinaro na hindi siya nanliligaw kay Sarah, pero hindi niya tinago na espesyal ito para sa kanya, kung saan nababaitan at nagagandahan siya sa singer/actress.

Kilalang mahigpit sa mga manliligaw ni Sarah ang pamilya nito partikular na raw si Mommy Divine, maganda naman ang relasyon sa pamilya ni Sarah, kung saan dinepensa pa nga ni Gerald na exaggerated lang ang mga lumalabas tungkol kina Mommy Divine dahil may malalim naman itong dahilan kung bakit naging ganu’n.

Kung mainit na natanggap sa Budoy ay tanggap din naman ng tao ang dating kapareha na si Kim Chiu at ang pakikipagtambal nito kay Xian Lim, masaya si Gerald sa tagumpay ng nasabing serye, kung saan ayon sa kanya ay sinusuporatahan niya ang aktres at mahal na mahal niya ito.

Incredible ang paglalarawan ng taong 2011 para sa kanya, kung saan nakagawa siya ng dalawang pelikula at bukambibig ang Budoy, ang hiling ni Gerald para sa 2012 ay maging doble ito ng 2011.

Maiba Lang
By MELBA R. LLANERA

Previous articleGoodbye na sa The Buzz KC Concepcion, magho-host ng The X-Factor Philippines
Next articleKris Aquino, hinuhulaang mabubuntis ngayong taon!

No posts to display