Shalani Soledad, Buntis Kaya Inapura ang Kasal?!

HOW TRUE ang tsismis na kaya raw pala minadali ang kasal ni Valenzuela Councilor at co-host ng Wil Time Bigtime na si Shalani Soledad ay dahil buntis daw ito? Marami raw kasi ang mga nakapapansin na mga manonood ng nasabing show na tila lumalaki at halata na ang tiyan ng politician/TV Host. Ito kaya ang dahilan kaya sa January 22 na ang kasal ni Shalani?

Marami nga ang nagulat nang biglang ihayag ni Shalani na magpapakasal na siya kay Congressman Roman Romulo sa darating na Enero noong Nobyembre ng 2011. Maging ang mga movie press ay nagulat din sa announcement ni Shalani dahil bagong kakilala pa lang noon ni Shalani ang congressman sa pamamagitan ng isang pagtitipon.

Ngunit  sa mga sumunod na interview, ayon naman kay Cong. Romulo, na-love at first sight daw siya kay Shalani nang makita niya ito, kung kaya’t hindi na siya nag-aksaya ng panahon. Nasundan pa ito ng isang regalong singsing ng congressman na pagpapakitang seryoso talaga siya kay Shalani. At ang mga sumunod na eksena ay pormal nang pinakilala ng congressman sa pamilya Romulo si Shalani, hudyat na siya na marahil ang babaeng dadalhin ng solon sa altar. And true enough, later that event ay isang bonggang-bonggang announcement ang ipinalabas ni Shalani na magpapakasal na sila ni Cong. Roman sa mga darating na buwan.

Mukhang tinanggap naman ng publiko ang Romulo-Soledad soon to be nuptials at marami ang bumati sa dalagang councilor na sa wakas ay mag-aasawa na ito. Maging si Willie Revillame ay nagpahayag ng suporta sa dalawa at napiling Best Man.

Pero nang i-announce na January 2012 na ang kasal ng dalawa, kumalat agad ang mga ispekulasyon ng mga tsismosa na baka raw buntis na ang lady councilor kaya inapura ang kasal nito. Lumutang din ang isyung oportunista at segurista raw si Shalani kaya si Cong. Roman ang nais mapangasawa nito.

May mga tanong din na dadalo kaya ang Pangulong Noynoy sa kasal ng dalawa? Si P-Noy kasi ay former boyfriend ni Shalani. Ang tanong? Naimbitahan ba ang pangulo?

Samantala, simpleng seremonya at pagtitipon lang daw ang gusto ng soon to be couple at ido-donate na lang daw nila sa mga nasalanta ng bagyong Sendong ang maaaring magastos upang makatulong kesa magkaroon ng bonggang-bongga at magarbong selebrasyon. ‘Yun na!

BLIND ITEM: Sino itong young hunk actor na ‘nakipag-date daw sa isang gay TV executive kamakailan upon the latter’s request sa isang sikat na establishment sa The Fort, Bonifacio Global City malapit sa malaking mall dito?

Ayon sa aking very reliable source, nagpa-set daw ng isang ‘date’ ang gay TV executive through an emissary. Kaibigan daw ng guwapong aktor ang tumayong tulay sa dalawa na kasama nito sa isang teleseye kaya hindi niya ito mahindian. Sa sobrang impluwensiya raw ng gay TV executive na ito, isang big ‘YES’ ang sagot ni hunk actor.

Dahil dito, nagpasabi raw si Hunk Actor sa kanyang executive producer ng teleserye na hindi siya makapagte-taping the following day dahil may importante itong lakad. Gano’n kalakas si Gay TV Executive.

Sa ginanap na pagkikita ng dalawa, Halos isang oras daw ang pag-uusap sa naganap nilang ‘date’. Masasarap daw na pagkain at very cozy ang lugar na pinili ng gay TV executive. Marami raw mga tanong si Gay TV Executive tungkol sa showbiz career ni Hunk Actor at kung masaya pa siya sa kanyang mother network at kung maganda raw ba ang career path na nakalatag for him this 2012.

Sa pag-uusap ng dalawa ay tila balak kunin ni Gay TV Executive si Hunk Actor sa network na kinabibilangan nito. Dagdag pa ng aking source na sinabi raw ni Hunk Actor na malalaman ang kanyang sagot kay Gay TV Executive this first quarter ng 2012 and ‘he will keep his options open’ kung sakaling lilipat ito sa kabilang network.

Ang nakakaloka, sabi ng aking source, bago raw natapos ang pag-uusap ng dalawa ay humingi ng dispensa si Gay TV Executive kay Hunk Actor dahil sa hindi pagsipot nito sa kanyang taping sabay abot ng isang makapal na envelop. ‘Pasensya na sa abala’ sambit ni Gay TV Executive. Nagulat si Hunk actor sa ginawang impressive gesture ni Gay TV Executive. Nang buksan daw ni Hunk Actor ang envelop at bilangin ang datung ay P200,000 ang laman nito! Napangiti nang bonggang-bongga si Hunk Actor dahil napaaga ang Pamasko para sa kanya at mukhang masusundan pang muli ang kanilang pagkikita ni Gay TV Executive.

Clue? Makikita si Young Hunk Actor sa malalaking billboards sa EDSA na kapansin-pansin dahil nakahubad siya. Si Gay TV Executive naman ay halos kilala na ng lahat dahil sa sobrang bongga ang career nito. ‘Yun na!

Sure Win
By Sherween Eslava

Previous articleVic Sotto, kakalabanin si Herbert Bautista sa 2013?!
Next articlePrincess Ryan, ‘di nag-deny sa buntis issue!

No posts to display