HINDI NA TALAGA maililihim pa ang relasyong Robin Padilla at Mariel Rodriguez, kung saan kamakailan sa birthday ni Queenie, anak ni Robin kay Liezel Sicangco, ay obvious na may relasyon ang dalawa.
Ngayon daw ay nagagawa nang maglinya ng I love You si Mariel kay Robin, kung san ay buong giting namang gustung-gusto ng aktor.
“Hindi man sila umamin, sila na talaga dahil halata naman si Robin kapag in love.” Isang daang porsiyentong patapos na sinabi ng aming source na hindi siya magkakamali sa pagkukumpirma na totohanan na ng relasyong Mariel at Robin.
HANGGANG NGAYON PALA ay matindi pa rin ang sama ng loob ni JC de Vera sa dating kasintahang si Rhian Ramos na bukod sa itinanggi na siya ay nagawa pa nitong i-two-timer siya.
Isang moral lesson kay JC ang ginawa sa kanya ni Rhian na sabi nga aktor ay never niyang makakalimutan ang dalaga, dahil minsan isang panahon ay nagpakatanga siya sa isang bagay na alam naman niya sa simula’t simula pa lang ay wala siyang mapapala kundi sama ng loob.
Samantala, hindi na rin bago pa sa ilang guys na na-link kay Rhian ang ginawa ng aktres kay JC, dahil maging sila ay biktima ng aktres.
“Makakahanap din ‘yan ng magpapaiyak sa kanya,” mariing sabi iyon ng aming source.
MARAMI ANG NAAAWA kay Sarah Geronimo dahil madalas ay nagungutang lang ito sa kanyang mga kaibigan kapag may ‘di inaasahang gastusin. Like minsang magkayayaan ang kanyang grupo na kumain sa isang restaurant, dahil walang pera ang dalaga ay nangutang ito sa mga kaibigan.
“Alam mo, hindi na tama ang ginagawa ng mga magulang ni Sarah sa kanya. Dapat sana, kahit pa’no ay binibigyan nila ng allowance ‘yung bata. Kasi paminsan-minsan ay may mga biglang gastusin, kaya ang nagyayari tuloy ay nagmumukhang kawawa si Sarah,” sabi sa amin ng isang malapit sa dalaga.
Samantala, may nagbulong sa amin na muntik na palang maglayas si Sarah sa kanilang bahay noon dahil pakiramdam ng dalaga ay masyadong sakal na siya sa leeg ng kanyang mga magulang. Ni katiting nga raw na kaluwagan ay hindi man lang naranasan ng dalaga.
Sa aminin man o hindi ni Sarah hanggang ngayon, mahal pa rin niya si Rayver Cruz. Hindi lang niya magawang maipaglaban ang nararamdaman sa binata, dahil malaki ang takot nito sa kanyang mga magulang lalo na sa kanyang ina na si Mommy Divine.
More Luck
by Morly Alinio
