Sam Milby, bumabalik pa rin kay Anne Curtis?!

NA-INVITE KAMI NG Dermablend sa Hypermart last Sunday para sa meet and greet ng hearthrob na si Sam Milby. Doon namin nakita kung paano at gaano niya minahal ang fans. Nakita namin kung paano siya lumapit sa mga fans kapag meron siyang mga personal appearances.

Hindi naiwasan na paghambingin siya sa ibang mga young actor natin.

“Hindi siya takot sa tao, kapag kumakanta si Sam ay kasunod na ang paglapit niya sa audience, walang kiyeme sa katawan, ‘yun ang kaibahan niya. ‘Yung iba, takot na takot sa tao,” sey ng isang movie press.

“I love going down, kapag kumakanta ako, lalapit talaga ako sa tao,” sey ni  Sam.

Kinumusta namin si Anne Curtis, may mga tsika kasi na magkaaway ang dalawa at humantong pa sa sigawan at murahan.

“Wala, hindi totoo ‘yun,” sabi niya.

Nagselos daw siya dahil sa isang lalaking nakita niya na ka-date ni Anne.

“I know na she’s exclusively dating, dating somebody. ‘Pag happy siya, I’m happy too.

Friend niya for a long time ‘yun. Very open naman kami,” aniya.

Ang feelings niya kay Anne ngayon?

“Sometimes, bumabalik ‘yung dati. Nami-miss ko ang pagiging makulit niya. Lalo na ngayong almost everyday, e, magkasama kami sa shooting ng Babe, I Love You So,” sagot niya.

Well, malay natin… ikaw na ang maging first love!

NAKAPANOOD KAMI NG taping ng Wowowee last Friday at doon namin nakita ang buong kilos at kung paano ang taping ng said show. Kasama namin sina Ador Saluta, Chanchan Torres at ang kaibigan ng lahat na si Karen Martinez.

Doon namin nakita at napansin na iba ang aura ngayon ng host na si Willie Revillame.

Napansin naming guwapo at lumakas ang sex appeal ng mahusay na host. Bagay sa kanya ang bagong hairstyle.

Tinanong tuloy namin si Karen kung sino ang gumugupit ngayon kay Willie.

“Si Ping Antonio ang gumugupit sa kanya,” sagot ni Karen.

Kung in-love man ngayon si Willie, siguradong magaling mag-alaga ngayon ang kanyang bagong girl.

Kumbaga, unti-unting nababago ang pananamit, buhok at kung anu-ano pa.

Hindi man siya gaanong guwapo ay sa paningin ng lahat ay guwapo siya, lalo na ang mga matatandang galing ng ibang bansa na guwapung-guwapo sa kanya habang nanonood ng show.

Rugged na rugged ang kanyang suot, pero in fairness may dating.

“Para rin siyang si Vic (Sotto). Malakas ang sex appeal kahit ‘di guwapung-guwapo,” sey  pa.

Obserbasyon ng lahat ay maligayang-maligaya ang TV host. At alamin sa susunod naming column kung sino ang babae at kumbakit bukod sa happy ay mukhang may peace of mind si Willie.

Hindi na nga raw siya madalas mairita.

Kung ganon, malaki na nga ba ang nabago kay Will?

Basta ang guwapo ngayon ni Willie.

Si Sam Pinto na nga ba? Nagtatanong lang…

BLIND ITEM: KILALA n’yo na ba kung sino ang tumatakbong babaeng councilor na kapag hindi nababanggit ang name niya ng mga artistang naiimbitahan sa mga fiesta para sumampa sa stage ay kinukumpronta ang mga artista at sinisigawan ang mga ito?

“Hindi mo ba ako kilala? Artista ako!” Sey ng tumatakbong councilor.

by Fernan de Guzman
Fer ‘Yan Ha?!

Previous articleVice Ganda, gusto nang bumalik sa dating buhay?!
Next articleParazzi Chikka: SOP Rakista Miguel Escueta, durugista?!

No posts to display