NAKAKABALIW ANG NASAGAP naming impormasyon na last season na ng isang sikat na reality competition sa isang major TV network, dahil ayaw na silang i-renew ng international company na may hawak ng nasabing bantog na reality show sa buong mundo.
Ang dahilan daw ay may “nadiskubre” silang mga bagay-bagay na hindi sang-ayon o tugma sa rules na dapat pairalin sa nasabing show, na rito sa Pilipinas lang nangyari. Ito ay may kinalaman sa usaping kadatungan kaya tambling kung true ito, at malalaman mong ito pala ang dahilan kung kaya’t na-delay ang pagsasa-ere ng nasabing show.
Heto na, dahil ayaw na silang i-renew, may counter offer umano ang isa pang major network sa international production ng show na sila na lang ang kunin sa pagtatapos ng kontrata ng naunang network sa ‘Pinas.
May nagsasabi namang sinisiraan lang ng Network 2 ang Network 1. Malalaman natin ang katotohanan sa mga susunod na taon kapag sa the same network mapapanood ang nasabing show. ‘Yun na!
SA WAKAS AY ipinagtanggol na ng Diamond Star na si Maricel Soriano ang kanyang sarili laban sa isyung kinasasangkutan niya laban sa dalawang kasambahay niya.
Sa report ni Mario Dumaual sa TV Patrol noong Huwebes, sa counter-affidavit ni Maricel ay sinabi nitong wala siyang kasalanan. Aniya pa, ang kanyang karapatang-pantao ay nalabag pa raw dahil sa hindi fair na pagtitimbang ng kaso. Aniya, isinampa raw ito para takutin at perahan siya.
Sey ni Marya, wala aniyang medical certificate na magpapatunay na sinipa niya ang isa sa mga katulong.
Inamin ng aktres ang pagmumura pero normal lang daw ito sa isang taong nagagalit, lalo’t nakita niya umano ang isa sa mga ito na ginagalaw ang kanyang wallet.
Itinanggi ng aktres na kinulong niya ang dalawang katulong dahil hindi nasususian ang kanilang kuwarto, lalo na ang bintang na nagbanta siyang tutukan ng baril ang mga ito dahil wala siyang baril sa bahay.
Kung saan hahantong ang legal na usaping ito ay hintayin na lamang natin ang developments.
For feedback, please e-mail us at [email protected]
Mellow Thoughts
by Mell Navarro
