Rufa Mae Quinto, Gusto Nang Lumipat sa Singko?!

MARAMI ANG nagulat sa biglaang pag-alis ni Rufa Mae Quinto sa Showbiz Central, isa si Rufa Mae sa mga regular hosts ng show along with Pia Guanio, Raymond Gutierrez, John Sweet Lapuz at Jennylyn Mercado.

Ang rason daw niya ay gusto niyang makapagpahinga sa pagtatrabaho tuwing araw ng linggo dahil ilang taon na raw siyang palagiang nagtatrabaho sa araw na iyon. May mga balita namang na-insecure daw si Rufa Mae sa kasamahang si Jennylyn pero pinabulaanan ito ni P-Chi sa mga interviews niya noon.

Noong Biyernes, May 4, naging guest co-host si Rufa Mae sa Wil Time Bigtime ni Willie Revillame sa TV5. After the show, na-interview ng Paparazzi Showbiz Exposed si P-Chi at masaya niyang bungad

sa TV crew, “Feeling bigtime na bigtime.”

Pangarap nga rin kaya niyang mag-host ng mga game shows katulad ng Wil Time? “Yup, yup! I love hosting kasi, I love to be with people. ‘Di ba ang saya, tsikahan, kuwentuhan. Live pa,  mabilis, alive and kicking.”

Ano naman kaya ang napag-usapan nila ni Kuya Will? Balita kasing kukuning guest co-hosts si Rufa Mae sa show ng mga ilang araw. Totoo kaya ito? Sagot niya, “Oo nga eh, ‘yun na nga ang plano, update ko na lang kayo.”

Ito rin kaya ang hudyat na lilipat-babalik siya sa TV5? Natatawang tugon ni Peachy, “Hudyat talaga, ‘noh! Eh, alam mo, ako naman ay nanggaling din naman dito. So, before ‘yung mga ‘Ispup’ and everything. So, okay lang naman if magbalik ako rito, ‘di ba. And of course, hindi ko pa alam kung ano talaga ang plano ni Boss Vic (del Rosario, manager niya). Kaya, I’ll let you know.”

Balita ring madalas nakikita raw si Rufa Mae sa bakuran ng ABS-CBN. Isa rin kaya ang Dos sa option niyang lipatan? “Hindi, meron din akong ano du’n, ‘yun nga ‘yung Guillermo, ‘di ba with Iza Calzado? And excited din naman akong makasama si Iza. Pero Guillermo, ini-air siya sa ABS. Ganu’n-ganu’n na lang muna, here, there… everywhere.”

Masaya kaya ang maging freelance artist? “Masaya, kasi ano eh, and of course I cannot be freelance forever. So, ini-enjoy ko lang muna ‘to, so I’ll let you know kung saan talaga.”

So, ang TV5 ay may mala-king bahagi sa puso niya if ever pipili na siya ng network? Saad niya, “Of course, of course.”

Ano naman kaya ang masasabi niya sa mga hosts ng Wil Time Bigtime? Sabi ni Rufa Mae, “Ang bait-bait nila. Lalo na si Mariel, kasi ang sarap kasama, kasi kumpleto siya, hahaha.”

“Masarap kausap, tsaka na-miss ko rin si Willie, kaibigan ko rin si Willie, matagal na, eh. So, finally nakasama ko siya. And I’m enjoying working with him. Nag-enjoy ako talaga. And I always enjoy being with Willie. Kasi, ‘pag kasama ko siya, tawa lang kami nang tawa. Minsan, ‘di ko alam na nilalait na ako nito, basta tawa lang kami nang tawa. And si Camille naman tsaka si Mariel, kahit ngayon lang kami nagkakausap parang ang tagal na naming magkasama. Alam mo ‘yun? Buong buhay na ‘ata namin ay napagkuwentuhan na ‘ata namin. I’m super comfortable.”

Nilinaw rin ng Paparazzi kay Rufa Mae ang tungkol sa pagli-live in na raw nila ng napapabalitang kasintahang si Boy 2 Quizon, may katotohanan ba ang intrigang ito? Tanggi ni, “’Di totoo ‘yun, ‘di pa.”

May buntis issue din na nilinaw ang show sa kanya. Pero paliwanag niya, “Oo nga eh, ang tagal ngang lumabas, eh. Ang tagal-tagal na, hindi pa lumalabas, eh. Eh, ganu’n siguro talaga, basta ‘pag ready na akong magsalita, lahat lahat na, I’ll let you know guys.”

Pero officially, sila na nga ba ni Boy 2? Maiksi niyang sagot, “Basta.” Pero happy daw siya, “Happy P. Happy.”
Sure na ‘to
By Arniel Serato

Previous articleBB Gandanghari, bantay-sarado ang bawa’t kilos sa bahay
Next articleTin Partimonio, type sina Sam Milby at Jake Cuenca

No posts to display