NATIYEMPUHAN NAMIN si Rocco Nacino sa isang event last week at masaya niyang ibinalita na naayos na ang kanyang schedule at nakatakda na silang mag-start mag-shooting ng pelikulang Lam-Ang.
Masayang bungad ni Rocco sa amin, “Yes, ito bale ang first title role ko, nakaka-challenge pero exciting. I’m preparing so much for it.”
Nakakapag-reading na raw sila ng mga lines nila. Dagdag pa niya, “We’ve prepared a lot of fight scenes, na-choreograph na namin. Pero I got sick, so in terms of physical preparations konti pa, konti pa.”
“I’m on a diet right now. Then this Saturday (April 21), lipad na kami du’n (Ilocos), then next day, birthday ng dad ko, magsi-shoot na kami.”
Inusisa naman si Rocco ng ilan pang media na nag-interview sa kanya kung bakit parang may mga sinabi siya noon na parang hindi raw siya proud sa butt niya. Ano kaya ang paliwanag niya tungkol dito? Aniya, “Nahihiya ako sa butt ko. I mean, malaman siya, people tells me that it’s an asset. I don’t think it is. Siguro shy lang ako. Ah, hindi ko kaya na ipakita sa mga tao.”
Pero makikita na kahit kaunti ang bahagi ng butt niya kapag ipalabas na ang pelikula dahil nakabahag siya rito. Pero bawi niya, “Well nag-fit ako kaninang umaga, nakita ko na ‘yung bahag, ang ganda pero pinapa-cover-an pa ni direk ‘yung mga parts na kailangang takpan.”
Sa darating na April 29 naman ay gagawaran si Rocco ng Guillermo Mendoza Memorial Sholarship Foundation ng award bilang Most Promising Male Star of the Year, ano naman kaya ang masasabi niya tungkol dito? Masayang kuwento ni Rocco, “Well nagulat ako, sa Party Pilipinas ko nalaman, hinanap ko sa internet at totoo nga, I’m happy that my talents are recognized, ang saya dahil ang daming blessings.”
“I felt so determined right now to work, to do better sa craft ko, I was so, really pumped up.”
So sa tingin ba niya nakakalamang na siya sa mga ka-batch niya sa Starstruck dahil sa dami ng blessings sa kanyang career? Sagot nito, “‘Yan ang isa sa pinakamahirap na tanong para sa akin. Ahm, since Starstruck, I was given opportunities, I’ve made good use of them, and I know na sa mga kasabay ko, they will be given opportunities naman. Naunahan lang siguro akong mabigyan.”
UMIIWAS SI Cristine Reyes na mag-comment tungkol sa kasong isinampa ng kanyang ate na si Ara Mina laban sa kanya noong nakaraang Miyerkules sa Quezon City Trial Court.
Na-interview ng TV Patrol si Cristine noong Lunes, April 23, sa Boracay thru Ginger Conejero. Sa ulat ni Ginger, biglaan daw ang naging bakasyon ni Cristine sa Boracay kasama ang malalapit na kaibigan. Ayon kay Cristine, “Basta have fun lang, what they say you only live once, live life to the fullest.”
Isa ring nilinaw ni Cristine ang tungkol sa isyung diumano’y may problema ang relasyon nila ni Rayver Cruz. Tinawanan niya ang isyung ito at ayon pa sa kanya, “Super okay kami ni Ray, andaming nagtatanong kasi wala siya rito. Eh kasi, trip namin ‘to ng friends ko.”
Miss na raw niya ang boyfriend na nasa Star Magic tour pa sa U.S. Nasasabik na raw siyang makita ito dahil may mga regalo raw ito sa kanya. Aniya, “Mga belts, at tsaka ‘yung mga food, ‘yung mga trail mix, ‘yung mga ganu’n, ganu’n.”
Sa kabilang banda, masayang-masaya naman si Cristine sa nalalapit na paggawad sa kanya katuwang si Anne Curtis ng Guillermo Mendoza Memorial Scholarship Foundation ng Box-Office Queen para sa No Other Woman. Pagmamalaki niya, “So far, ‘yun ‘yung biggest achievement ko this year so I’m very, very thankful kay God.”.
Sure na ‘to
By Arniel Serato
