Robin Padilla will become violent if brother BB Gandanghari pursues his sex change

Robin Padilla will become violent if brother BB Gandanghari pursues his sex change

Robin Padilla will become violent if brother BB Gandanghari pursues his sex changeSA NAKARAANG VICTORY Party ng FHM, obvious na hindi akma ang puwet ni Wendy Valdez sa kanyang katawan. Parang umbok na hindi mo maintindihan ang nakausling laman sa likuran ni Wendy kaya agad namin siyang nilapitan at tinanong kung gawa ba ng doctor ang kanyang behind.

Natatawa man ay iritableng sinagot ni Wendy ang aming katanungan. Ayon kay Wendy, totoo raw ang aming nakita. Pinaghirapan daw niya iyon sa pagwo-workout. Hindi raw ‘salamat po, doctor’ ang kanyang wetpak.

“Hindi gawa ‘yan. Talagang gan’yan ng behind ko, tumambok siguro siya dahil panay ang gym ko,” sabi ni Wendy na iritadong nagbalik tanong pa sa amin. “Bakit, ano sa tingin mo?”

Walang malisya namang sinagot namin nang ganito: “Parang fake eh, parang enhanced lang.” Na ikinataas ng kilay ng dalaga.

“Hindi kaya ganyan ang padding lang,” sabi niya na. Balik namin, “Talaga padding lang iyon?” Na tinawanan nang malakas ng aming kausap, “Paanong magiging padding iyon, eh, tangga ‘yung suot ko, ‘no!

Honestly, obvious na hindi gustong pag-usapan ni Wendy ang kanyang likuran. Feeling nito ay hindi na dapat pang intrigahin kung totoo o hindi ang kanyang puwet.

“Basta ako, ang masasabi ko lang, masaya ako dahil napasama ako sa 100 sexiest woman in the world ng FHM,” pagwawakas ng aming kausap.

 

NAPAIYAK SI ‘AMANDA’ nang kausapin nang Pinoy Parazzi kamakailan. Ito ay may kinalaman sa hindi niya pagkakasali sa FHM Victory Party. Feeling daw niya ay nagkaroon ng discrimination.

“Hindi ko talaga alam kung bakit, pero siguro dahil mahina kami sa kanila at palakasan talaga ang show na ito.”

Masama ang loob ni Amanda sa pamunuan ng FHM 100 Sexiest Women in the World, pero hindi iyon ang higit na pinagbuhusan namin ng atensiyon, kundi ang pagkakasangkot ng kanyang pangalan sa isyung rape victim siya ng Team Azkals.

“Inaayos na po ng lawyer ko ang bagay na iyon. Sa ngayon, ayokong mag-comment dahil pinagbawalan ako ng lawyer ko, pero hindi po ako gumigimik dahil napakapangit namang gimik, ito kung gawa-gawa lang ang issue.”

Ayon kay Amanda, sa pagbabalik ng Azkals sa bansa, pagkatapos nitong maglaro sa Kuwait sa July 23, tsaka na lang daw siya magsasalita. Basta isang linya lang ang kanyang binitiwan sa Pinoy Parazzi, tuloy ang demanda niya laban sa Azkals.

 

TINANGGAP NI ROBIN Padilla ang pagiging gay ni BB Gandanghari (Rustom Padilla), pero hindi ang pagpapa-sex transplant nito.

“Aba ‘yun ang ibang usapan na, baka maging bayolente na ako nu’n,” pahayag ni Robin nang makausap namin ito sa presscon ng Cherry Mobile.

Ayon kay Binoe, hindi na magiging maganda sa paningin ni Allah kung pati ang pagkalalaki ni BB ay papapalitan na nito.

“Hindi ako payag nu’ng ganu’n. Para sa akin, kung anuman ‘yung mga ginagawa at ipinakita na niya ay tama na iyon.”

Usap-usapan kasi, na tapos na ang three months seminar ni BB for his sex change, kung saan ay nagdaan daw ang aktor sa mga pagsasanay sa magiging bagong buhay na ito sa sandaling babae na ang seksuwalidad. Ngayong buwan daw na ito isasakatuparan ang pagbabago sa gender ng dating aktor, na ayon kay Binoe at sa ina nilang si Mommy Eva Cariño Padilla, ‘yun  ang  pinakamalaking kasalanang magagawa ni Rustom sa kanilang angkan.

Sa kabilang banda, tutol man daw ang pamilya ni BB sa gagawing pagsi-sex transplant ng aktor, itutuloy raw nito ang  matagal  nang  planong  maging babae sukdulang magalit sa kanya ang buong mundo.

“Sa tingin ko, hindi naman totoo ang balitang iyan dahil nakakausap naman namin siya, at wala naman siyang nababanggit na ganu’n. Sana huwag, kasi nga ayoko nga!” Parang nalilitong-natatawang sabi pa ni Binoe.

More Luck
by Morly Alinio