Si Chynna Ortaleza ang kauna-unahang katambal ni Richard Gutierrez. Sino ba naman ang makakalimot sa makulit na tambalang Mimi at Enzo ng Click Barkada na talaga nga namang nag-click sa masa? Natatandaan niyo pa ba sina Basilio at Donna ng Habang Kapiling Ka? Pinaiyak nila tayo noon sa love angle nila na parang “you and me against the world” ang drama. Ang karibal pa nga ni Richard sa nasabing programa ay si Railey Valeroso, na offcam jowa ni Chynna hanggang ngayon. Nakakaaliw namang ikwento sa inyo na ang kakambal ni Richard sa Click na si Angel Locsin ang naging katambal nito sa mga sumunod na TV projects at pelikula.
Nagkaroon din ng “balikan” sina Richard at Chynna sa Sugo pero kontrabida na si Chynna rito. Hindi mapagkakaila na hanggang ngayon ay meron pa rin silang mga fans na nagnanais na makitang magkasama muli ang kanila iniidolo. Si Richard ang itinuturing pa rin na Hari ng Kapuso network samantalang si Chynna naman ay nalilinya sa kontrabida roles.
Nagkahiwalay man ang kanilang landas sa telebisyon, hindi naman nawala ang kanilang pagkakaibigan. Patunay dito ang mga larawang makikita ninyo sa pahinang ito. Kitang-kita naman na hanggang ngayon ay click na click pa rin ang chemistry nila.
By Mica Rodriguez
Photos by Mark Atienza
