GULONG-GULO NGAYON ANG utak ng isang bagets. Hindi naman alam ng mga nagmamalasakit sa kanya kung ano ba ang kanyang totoong problema at ito’y kanyang sinasarili?
“Pinatay” na nga ang kanyang magandang character sa isang teleserye, dahil nga, sakit na rin siya ng ulo ng staff sa schedule. At ang “pagpatay” sa kanyang character ay may “consent” ng pinaka-manager niya.
Ano ba ang problema talaga ng batang ito? Ang usap-usapan, nakabuntis ang bagets na ito. Ewan kung ito’y totoo.
Hindi kaya ang ending nito, dahil siya’y may malalim na problema, eh, pumatol na siya sa bading para lang makadelihensiya?
Hay, naku… maanong harapin at lutasin agad ang problemang ‘yan bago pa ‘yan lumala at tuluyan siyang mawalan ng career. Ang galing pa namang umarte ng batang ito, in fairness.
by Ogie Diaz
