Prediksyon sa mga Bituin

TUWING SASAPIT ANG bagong taon, naging tradisyon na sa showbiz ang magkaroon ng mga fearless forecasts para sa mga celebrities. Samu’t saring mga prediksyon ang walang takot na ibinubunyag tungkol sa kung ano ang maaaring mangyari sa apat na sulok ng showbiz. Ilan sa mga palaging prediksyon tungkol sa mga artista ay ang mga sumusunod: may magpapakasal, may mabubuntis, may mag-aaway, may magkakabati, may maghihiwalay, may magkakabalikan, may mananalo, may matatalo, may mawawala, o may magbabalik.

Here are some predictions para sa ilang stars ngayong 2011. Read on.

Si Toni Gonzaga raw ay magiging masuwerte sa kanyang career at may matatanggap daw siyang wedding proposal. Mukhang alam na nating lahat kung kanino ito manggagaling.

Tuluy-tuloy naman daw ang pasok ng suwerte kay Charlene Gonzales ngayon taong ito. Marami raw magagandang offers ang darating sa kanya.

At sino naman kaya itong non-showbiz guy na diumano’y makakatuluyan ni KC Concepcion? Ayon sa forecast ay lucky si KC pagdating sa kanyang career pero wala namang nakikita kung magkakatotoo ang relationship niya with a famous male celebrity. Ang nakikita kasi ng isang manghuhula na makakatuluyan niya in the future ay lalaking hindi taga-showbiz.

The Megastar Sharon Cuneta will continue her lucky streak this year especially in business. Marami pa raw siyang magiging investments. Kahit may mga intrigang darating ay huwag na lang daw niya itong pansinin payo ng manghuhula.

Masuwerte rin si Star for All Seasons at Batangas Gov. Vilma Santos sa muling pagsabak niya sa pelikula pero dapat daw siyang mag-ingat sa kanyang health. Mag-ingat daw siya sa pagkain ng maalat.

Tiyak na matutuwa ang mga fans na kagaya ko dahil malaki raw ang posibilidad na muling magbalik ng bansa ang Superstar na si Nora Aunor. At kung sakali mang gagawa siya ng pelikula ay dapat niya itong paghandaang mabuti at tamang role ang gagawin niya.

Magiging masuwerte naman ang Queen of All Media na si Kris Aquino this year sa lahat ng aspeto ng kanyang buhay including her career. Magta-travel din siya. Ayon sa forecast ay tulu-yan nang maa-annul ang marriage nila ni James Yap. At mai-involve siya this year with a non-showbiz guy.

Kaibigan, usap tayo muli!

Points of Boy
by Boy Abunda

Previous articleCharice Pempengco, tinalikuran na ang pagiging Pinoy?!
Next articleYOUNG ACTRESS, UUBUSIN ANG PERA MAGANTIHAN LANG ANG AMA

No posts to display