MUKHANG MATINDING PASABOG ang gagawin ni Jennylyn Mercado after ng Holy Week na tiyak na ikagugulat daw ng kampo ni Dennis Trillo.
Totoo ba ang tsikang nakarating sa amin na idedemanda raw ni Jennylyn si Dennis? Ng anong kaso? ‘Yan ang hindi pa namin alam.
True rin ba na magsasalita na si Jen at marami siyang ibibisto sa totoong nangyari sa kanila ni Dennis? May bahid kaya ng katotohanan na sinaktan ni Dennis si Jen nang mag-away sila nang matindi na nauwi later on sa hiwalayan?
Anyway, mukhang hindi naman bothered si Dennis sa bantang pasabog ng kanyang ex-girlfriend. Sa isang interview, hindi naman nababagabag ang actor, ni hindi nga ito nag-comment talaga. Parang ang feeling pa nga nito ay magsasalita si Jen dahil may concert ito.
Wait and see na lang tayo kung totoo ngang idedemanda ni Jen si Dennis. Kapag nagkataon, may malaking issue na pagpipistahan ang showbiz.
Teka, katatapos lang ng Mahal na Araw. Hindi kaya naisip ni Jen na patawarin na si Dennis kung anuman ang naging kasalanan nito sa kanya?
PARANG WALANG PLANONG magsalita si Pia Guanio sa kanyang kisscandal sa internet. Sa isang online interview kasi niya ay sinabi niyang wala siyang interest na mag-comment sa isang bagay na hindi pa niya nakita.
May kumakalat kasing photos ngayon sa cyberspace na sinasabing kamukha ni Pia na nakunan habang nakikipaghalikan sa isang guy sa isang restaurant. Nakita namin ang mga photos at medyo malayo ang kuha kaya hindi namin ma-determine kung si Pia nga iyon.
Anyway, mukhang hindi naman gagawa ng ganoong bagay si Pia sa isang public place. Hindi siya ang ganoong tipo na gagawa ng eskandalo.
Since advance ang aming deadline for this column, hindi namin napanood kung nagsalita si Pia about the issue sa Showbiz Central. Ang alam namin ay nasa Canada pa ang dalaga kasama ang buong barkada ng Eat Bulaga.
BLIND ITEM: NATAWA kami nang marinig namin ang kuwento tungkol sa isang gay stand-up comedian and TV host. Kilalang-kilala ang beauty ng TV host na ito dahil sa kanyang noontime show na everyday napapanood.
Hindi namin alam kung nagbibiro ang hitad nang sabihin niya sa ilang kaibigan na may isang bagay pa raw siyang hindi naa-achieve sa kanyang career. Until now kasi ay wala pa raw siyang commercial.
Naghihimutok ang bading dahil hindi raw niya ma-take na ang mga ngayon lang sumulpot na bading ay may mga commercial na nagawa, gayong siya na dekada na ang binilang sa industriya ay wala maski commercial man lang ng toyo o patis.
Emote pa raw ng bading, maganda sana ang exposure kung meron siyang commercial dahil everyday nga naman siyang napapanood sa TV. Maaari niyang banggitin ang kanyang ini-endorse.
Hanggang ngayon ay waiting ang beauty ng baklitang comedian kung kailan siya magkakaroon ng commercial. Wish lang niya na mangyari ito para ma-ging kumpleto na ang kanyang pagiging artista.
Sinex ang gay TV comedian? Well, mula Aparri hanggang Jolo ang kanyang kasikatan at talaga namang may K siya.
Photo courtesy of http://www.fashionpulis.com
Lex Chika
by Alex Valentine Brosas
