MALAKAS ANG dating sa amin at isa sa mga masasabing may chance na sumikat sa katatapos na PBB teens ay itong si Ryan Boyce. Bukod sa guwapo na ay may height pa ito. Kumbaga, leading man material ang dating niya. Kahit pa sabihing may dugong banyaga si Ryan, matatas naman itong magsalita ng Tagalog, kaya naman swak na swak siya sa kanyang pinasok na bagong mundo.
Bukod sa kanyang mga guestings sa iba’t ibang show sa ABS-CBN, busy rin siya sa kanyang pagtu-tour sa key cities na project ng DepEd. Siya ang bagong kinuha ng DepEd para maging celebrity ambassador for youth and environment. Kasama niya sina Paul Montecillo ng TV5, Genesis Ryan at ang kanyang kapatid na si Bing Boyce. 15 years old na siya at sana lang ay huwag ma-in love sa kanyang ka-loveteam na si Nicole.
Bukod sa Kapamilya Network, under din si Ryan ng Aerynvic Productions and Management. Kasama rin sa kanilang management ang magba-balik-showbiz na si Princess Ryan. At magugulat daw ang lahat sa kanyang bagong image.
Wish namin ay suportahan ng Star Magic ang career ni Ryan. ‘Yun lang po.
BLIND ITEM: Kilala n’yo na ba kung sino itong not so young actress na madalas namin na makitang iba-iba ang kasamang aktor? Sa totoo lang, tatlong aktor ang nakita naming nakasama niya nitong nakaraang buwan. Yes, sa mga resto namin siya madalas makita.
At ang latest nga na nakita namin ang not so young actress ay nang bumibili siya ng dalawang boxes ng donut sa may Quezon City.
Medyo nakakubli ang mukha niya. Kahit na naka-jacket siya na may hood ay kita pa rin namin ang mukha niya.
At ang nakakalokah, kilala namin ang not so young actor na kasama niya nu’ng gabing yon. Nakilala kami ni aktor at sumenyas na huwag kaming maingay.
Dahil sa senyas ni aktor ay du’n namin na nalaman na may malice ang kanilang pagsasama ni aktres.
O, knows ba kung sino si aktres?
Ang clue: Ang kanyang intial ay kapareho ng initial ng donut store na binil-han din niya. O gets n’yo na ba?
Si lalaki naman ay napapanood siya sa isang teleserye na madalas makita siya sa tubig.
Another clue, na-link minsan isang panahon ang aktres na bida today.
ABANGAN ANG Artista Academy ng TV5 kung meron nga bang K ang napili nilang 16 na napiling finalists. May K nga ba o wala?
At balitang hindi nakuha ang anak ni Alvin Patrimonio at kapatid ni Polo Ravales. Ano nga ba ang pagkakaiba nito sa PBB, X Factor, Protege…?
by Fernan de Guzman
Fer ‘Yan Ha?!
