Paolo Ballesteros, iba pa rin daw ‘pag sa sariling bansa kinilala ang husay

Paolo Ballesteros
Paolo Ballesteros

Hindi nag-i-expect ng best actor award si Paolo Ballesteros sa Metro Manila Film Festival para sa performance niya sa pelikulang “Die Beautiful”. Pero ayon sa kanya, iba pa rin daw ang pakiramdam kapag dito siya na-recognize sa ating bansa.

Matatandaan na nanalong best actor si Paolo sa katatapos lang na Tokyo International Film Festival.

“Siyempre, iba, gaya ng sabi ni Direk Jun (Lana), primary audience naman namin is mga Pilipino, so para ma-appreciate ka ng kapwa mo Pilipino, it’s a good feeling,” sabi ni Paolo sa grand presscon ng “Die Beautiful”.

“Patuloy ng actor,  “Hindi naman kasi ako nag-e-expect, eh. I’m not the kind of person na nag-e-expect, pero I’m always hopeful. Kumbaga, optimistic, ganyan. Pero kung hindi mananalo, eh, it’s a competition. Sana, hindi na competition kung kailangang ako pala manalo, ganu’n.

“So, I’m sure, pare-parehas lang na magagaling ang mga kasama nating pelikula sa MMFF,”  katuwiran pa niya.

Kasama ni Paolo sa “Die Beautiful” na showing sa Pasko sina Luis Alandy, Joel Torre, Gladys Reyes, Albie Casino, Inah de Belen, at marami pang iba. Special participation naman sina Iza Calzado and Eugene Domingo.

“Die Beautiful” is under Regal Entertentainment and Idea First Company.

La Boka
by Leo Bukas

Previous articleMother Lily Monteverde, saludo sa galing nina Enchong Dee at Richard Yap sa “Mano Po 7”
Next articleLiza Soberano, mapanganib ang kasikatan

No posts to display