Noranians, nanggagalaiti sa galit!

ADVERTISING

Noranians, nanggagalaiti sa galit!

Noranians, nanggagalaiti sa galit!

OLA CHIKKA now na! Oh, no… oh, yes… now na! More chikka, more fun to the maximum authority of chikka, now na!

Ay, talagang ambot! Talagang mabubuwang ako sa Earth! Kasi nu’ng Monday issue ng column ko, nabuhay na naman ang ibang Noranians. Take note, buong mundo pinutakti ako ng negative reactions sa isinulat ko, na NORA AUNOR, WALA NANG SHOW SA TV5?

Kasi nga, bakit daw sinabi ko na nagbukas ako ng FB at binuksan ko ang Nora Aunor Worldwide (NOW), na kung minsan sila-sila hindi ko maintindihan, kasi hindi sila magkasundo. At sa sinabi kong, pa-eching lang ito si Perci Intalan ng TV5, na may malaking teleserye naman daw na naghihintay kay Nora oras na gumaling ito sa pagpapa-opera sa America sa kanyang lalamunan. At ang patanong ko tungkol sa isang reporter na inutangan daw ni Nora.

ADVERTISING

OMG! Talo ko pa si Nora Aunor na condemned at para akong criminal sa naisulat ko, dahil ang site ng NOW ay private. Sa totoo lang, wala talagang nag-remind sa akin na ‘Tita Swarding, ‘wag kang maglalabas ng hindi maganda sa program mo o sa mga write-up mo, kasi dapat tayo lang ang nakaaalam, kasi private ito’.

Wala talaga akong intention na siraan sila, kasi inaamin ko na bago lang akong natututong mag-FB. Wala pang isang buwan, kaya hindi ko alam kung may private o wala. Kaya ang ilang butangerang Noranians, react to death na kung anu-ano na ang mga pinagsasabi. Ang iba, mga professional pa naman, may pari, may teacher at karamihan nasa abroad na hindi naman nila alam ang mga kasalukuyang nangyayari rito sa showbiz.

At hindi ko talaga masikmura ang mga sinasabi nila, na kesyo spy raw ako sa NOW, bayaran, buwaya, matandang baklang ulyanin, mamatay na sana, bobo at kung anu-ano pang kabastusan. Inuulit ko, tayong lahat ay Noranians, hindi ako pakawala or spy, at kung anu-ano ang mga ibinibintang n’yo sa akin. Dahil bakit pa ako mag-i-spy sa inyo? Bukas naman sa aking kaalaman ang mga nangyayari sa career ni Nora. Sino kayo para kunan ko ng impormation? Take note, hindi ko nilalahat ng Noranians, kasi marami pa ring matitinong Noranians. Isa pa, wala naman daw nagtatanong sa akin tungkol doon sa mga nasulat ko. Bakit araw-araw ba kasama ko kayo para malaman n’yo ang mga nangyayari sa buhay ko?

Hindi naman ako bobong reporter tulad ng sinasabi n’yo, kasi sa tagal ko sa industry, 45 years na ako, kung bobo ako, sigurado ako, wala na ako ngayon sa circulation. Hanggang ngayon nandito pa rin ako, naglilingkod hindi lang kay Nora kung hindi sa lahat ng artista. At kahit papa’no, may outlet pa rin ang sinasabi nilang bobo. Hindi siguro magtitiwala ang kauna-unahang istasyon sa Pilipinas ang DZRH.TV, for 26 years straight, may sarili akong programa sa DWSS, may program ako worldwide sa PINOY RADIO U.K., at dito sa Pinoy Parazzi.

Sana naman, konting unawa kung nagkamali ako. Dapat daanin nila sa mahinahon na paraan, kasi tao lang po ako. Tama tumanda na ako na laging tagapagtangol ni Nora. Ngayon lang naman ako nagkamali, kung mali ‘yung ginawawa ko. Pero ‘wag naman sana nila akong paratangan ng hindi ko ginagawa. Sana makarating ito sa namumuno ng mga fans ni Nora at gawan ng NOW na maliwanagan ang lahat. Okey lang naman ako kung tanggalin nila ako sa site ng NOW, kasi ‘yun ang kagustuhan nilang mga baluktot na Noranians.

Inuulit ko, hindi lahat ng Noranians, mga magilan-ngilan lang na siguro, sila ang spy para magkagulo ang members nito kaya nila ako dinidiin. Magising sana sa katotohanan ang mga ito kasi hindi ko kawalan kung alisin nila ako sa site nila. Sa mga nakakaintindi, salamat. Sa mga makikitid ang utak, sorry hindi ko kayo titigilan, kasi hindi ko talaga matiis ang mga pinagsasabi n’yo. Sana pinatay na lang ninyo ako para hindi na ako makapangatuwiran.

Kung totoo kayong Noranians na nandito sa Pilipinas, alam n’yo kung saan n’yo ako pupuntahan. Handa akong humarap sa inyo, taas-noo. Kasi wala akong intention na sirain kayo, dahil tayo ay magkakadugo. Konting respeto lang naman ang hinihingi ko kung nagkamali ako. Sana hindi gano’n ang mga ginawa nila na para akong nilibing nang buhay.

Inuulit ko, hindi ako KSP na sinasabi n’yo, kasi pauwi na ako, kayo papunta pa lang. Hindi ko na kailangang um-attend sa mga sinasabi n’yo kasi hindi ako naiimbitahan sa events n’yo. Kung alam n’yo lang na kahit sa mga presscon, hindi na ako pumupunta kahit pagkakaperahan, kasi hindi ko na kaya ang aking sarili.

Habang sinusulat ko ito, tumutulo ang luha ko. Sorry, hindi ako nagpapaawa, pero ito ang nararamdaman ko dahil puso ang nagsasalita na walang pag-iimbot dahil iisa lang naman ang iniidolo natin, ‘yan ay walang iba kundi ang the one and the only Superstar na wala pang papalit sa kanyang trono, kahit mawala na siya sa mundo. Tanging siya lang ang phenomenal.

Nasasabi  ko  ito, kasi ako ang kauna-unahang nagtatag ng fans club nito, ang Noranians Unlimited-Quezon City Chapter, way back 1967. Nasa Tawag ng Tanghalan pa siya at siya ang aking naging inspirasyon para ma-rating ko ang aking kinalalagyan. At kahit sa life story ko sa Maalaala Mo Kaya sa Channel 2, ni-request ko na ilagay kung pano ako nag umpisa bilang Tita Swarding. Tanging si Nora lang ang hinangaan kong artista at nagtatag ng fans club, kaya ako nandidito ngayon. Tapos pagbibintangan n’yo akong spy, buwaya, ksp, sana mamatay na, bayarang repoter, tuta ni Vilma kung anu-ano pa. Mabasa sana ito ni Nora Aunor. ‘Yun na!

Ooola Chika
E-mail: tita_s2006@yahoo.com
by Tita Swarding

ADVERTISING