Nag-motorcade sa isang lugar sa Kyusi Willie Revillame, nagpaulan ng tigpa-P500!

NITONG BIYERNES, January 27 ang 51st birthday ni Willie Revillame. At marami ang nasorpresa nang biglang may motorcade siya na dumaraan sa loob ng Sitio Aguardiente, Barangay Sta. Monica, sa Novaliches, Quezon City.

Talagang pinagkakaguluhan at hinahabol ng mga tao ang sinasakyan ni Willie habang nagpapaikut-ikot sa mga kalye ng nasabing lugar. Lahat ay tuwang-tuwa na makita nang personal ang pamosong host ng Wil Time Big Time.

Lalo pang pinagkaguluhan ng mga tao si Willie nang mapansin ng mga ito na namimigay siya ng tig-500 pesos. ‘Yon nga lang, kahit siguro male-maleta pang pera ang dala ni Willie, hindi talaga kakayaning mabigyang lahat sa dami ba naman ng mga taong kanyang nadadaanan.

Pero at least, nag-effort si Willie na makapag-share ng blessing sa mismong araw ng kanyang kaarawan bago siya tumuloy sa live airing ng Wil Time Big Time. At marami-rami rin siyang napasaya nang dahil sa kagandahang-loob niyang iyon.

Naman!

EXCITED SI Luis manzano habang hinihintay ang pagbabalik sa ere ng Deal Or No Deal. Siya ang napiling bagong host nito kapalit ni Kris Aquino.

“Wala pang definite date pero ang sabi sa akin ay very soon,” aniya nga. “Kris handle the show for so long. The fact that she chose me as her successor makes me proud na mapagkakatiwalaan nila ako sa gano’ng programa.”

Samantala, ipinagkikibit-balikat lang ni Luis ang naglabasang mga hula o prediksiyon na hindi umano magtatagal ang relasyon nila ni Jennylyn Mercado.

“Hindi namin sineseryoso ang tungkol do’n,” sabi ng actor-TV host. “’Yong ganyang hula-hula sa relasyon… 50/50, kumbaga. It’s either magkakatuluyan o hindi. Para lang toss-coin ‘yan.

“We’re very very fine,” patungkol niya sa takbo ng relationship nila ngayon ni Jennylyn. “We’re happy,” aniya pa.

KAGAYA NI Luis Manzano, masaya at very proud din ang Mommy niyang si Batangas Governor Vilma Santos tungkol sa pagiging bagong host nga ng binata for Deal Or No Deal. Kuwento pa nga ng Star For All Seasons, tinawagan pa raw niya si Kris Aquino na dating host nga ng nasabing game show na sikat sa buong mundo.

“Oo. Na-excite kasi ako. Kasi no’ng ma-balitaan ko na si Lucky na at hindi si Kris, nag-text ako sa kanya (Kris) muna. Tinanong ko if it’s true na hindi na siya kundi si Lucky na. Sabi niya… yeah, si Lucky na! In fact no’ng tinanong yata siya kung sino sa tingin niya ang puwedeng pumalit sa kanya, binanggit niya si Lucky.

“I’m proud of my son. So, para sa anak ko… congrats! Tulungan n’yo naman. Suportahan n’yo naman si Lucky. Because he’s really good. And he’s very serious with his job. Seryoso siyang nagtatrabaho. He’s not… hindi because anak ko siya.  Pero, I’m here to support him. I will pray for him. Na sana he will do good being the new host of Deal Or No Deal. I’m proud of him na siya ang napili na mag-host ng Deal Or No Deal. I just want to wish him goodluck.”

Minsan na siyang naglaro sa Deal Or No Deal. Is there a possibility na maging celebrity player ulit siya sa pagbabalik sa ere ng nasabing game show?

“Hindi kaya paghinalaan kami ng tao kapag nakuha ko ‘yong premyo? Ha-ha-ha! Baka ang akala ay nag-tip ang anak ko. Pero, why not? Excited ako. And excited ang anak ko sa paghu-host niya ng Deal Or No Deal. Kasi ang feeling niya, that’s ano, e… one step up? Sa pagiging host niya. And I’m praying for him kasi hindi biro ‘yan.  Para maging host ka ng ganyang show. Kailangang una, credible ka. Pangalawa, you should be good. Kaila-ngang ma-ano ka, mabilis! Kasi live ‘yan. At saka it’s a game show. It’s not an ordinary hosting. So, I’m excited for my son. I’m praying for him na sana he’ll do good.  Kapag nag-host na siya ng Deal Or No Deal.

Rubbing Elbows
by Ruben Marasigan

Previous articleAriel Rivera, sobrang happy sa pagbabalik-Kapamilya
Next articleNikki Gil, kasuklam-suklam!

No posts to display