ISANG TAON lang daw pala ang pinirmahang kontrata ni Lorna Tolentino sa TV5, kung saan may kasalukuyang soap opera siya, ang Glamorosa with Alice Dixson.
Pero gaano katotoo na disappointed diumano ang premyadong aktres dahil bukod sa 30 minutes na lang daw ang kanilang soap, late na late na raw ito kung umere?
Dahil d’yan, looking forward kaya si LT na mag-end na ang kanyang contract sa Kapa-tid Network at magbalik-Kapamilya na lang?
Bukod d’yan, true rin kaya ang tsika sa amin na insecure daw kay Lorna si Alice sa hindi malamang dahilan?
GINANAP NITONG Lunes lang ang grand inauguration at blessing ng Taal Imperial Hotel & Resort ni Mother Lily Monteverde sa Taal, Batangas na pinaunlakan ni Gov. Vilma Santos-Recto ng nasabing lalawigan.
Matapos ang blessing bandang alas dose ng tanghali, nakisalo agad sa pananghalian at naki-tsika sina Mother Lily at Ate Vi sa mga showbiz press at ilang beteranong talent managers.
Kitang-kita sa mukha ng Star for All Seasons ang pagkasabik n’yang makita muli at makakuwentuhan ang mga kaibigang writers/reporters at talent managers.
Aliw na aliw si Ate Vi sa mga latest tsismis sa apat na sulok ng showbiz na narinig n’ya.
Nabanggit ni Ate Vi sa amin na dinalaw n’ya raw last Saturday sa Mabini, Batangas ang kanyang panganay na si Luis Manzano na nagda-dive kasama ang kanyang girlfriend na si Jennylyn Mercado. Natutuwa si Ate Vi kina Luis at Jen dahil magkapareho ng interes ang dalawa.
Ang pag-dive kaya ng dalawa nu’ng nakaraang Sabado ang dahilan kung bakit nagkasakit si Jennylyn, kaya sa Showbiz Central na lang ito nakasipot nu’ng Linggo, hindi na sa Party Pilipinas?
TRUE KAYA ang tsikang nakarating sa ‘min na bukod sa naudlot na pelikula ng dating mag-asawa na sina Sharon Cuneta at Gabby Concepcion, hindi na rin umano matutuloy ang guesting sana ng huli sa concert ng una at ni Martin Nievera this month?
Guest din daw sana sa concert ang ex-wife ni Martin na si Pops Fernandez.
As of writing this, hindi namin sure kung magge-guest pa rin ang Concert Queen since hindi na nga raw tuloy si Gabby.
Ang dinig kasi namin, ang concept sana ng concert ay parehong guests ang mga dating asawa ng Megastar at Concert King para mas maging exciting ito.
Ano nga kaya talaga ang tunay na dahilan, bukod sa naunang rason na lumabas, kung bakit hindi na matutuloy ang balik tambalan nina Ate Shawie at Gabby sa pelikula maging ang guesting ng aktor sa concert?
ANG TABA pala ni JM de Guzman sa pelikulang Pintakasi na produced ni Ilocos Norte Gov. Imee Marcos.
Although kahit mataba pa ro’n si JM, magaling s’ya talagang umarte, kahit hindi pa s’ya sikat nu’ng mga panahon na sinu-shooting ‘yon three years ago.
Kasama rin ni JM sa Pintakasi si John Wayne Sace na s’ya talagang bida sa pelikula at si Erich Gonzales na ang comment ng isa sa co-stars nila ay medyo flat pa diumano ang kanyang dibdib noon.
Ang anak ni Gov. Imee na si Borgy Manotoc ang in charge daw sa marketing at merchandise.
Willing daw ang gobernadora na mag-co-produce ng pelikula with Kris Aquino in the future since nagko-co-produce na rin ang huli sa kanyang mga nakaraang pelikula.
Ang tanong: payag din kaya si Kristeta na mag-co-produce with Gov. Imee?
Franz 2 U
by Francis Simeon
