Loisa Andalio, ‘di ikinahihiyang jologs siya at hindi magaling mag-Ingles!

Loisa Andalio

HINDI IKINAHIHIYA ni Loisa Andalio kahit pa tawagin siyang jologs ng mga tao dahil sa barok niyang pag-i-Ingles.

“Eh, ako naman talaga yon,” sabi agad niya. “Hindi talaga kasi ako ma-Ingles na tao. Sa taping nga kapag may lines ako na English, tatagalugin ko na lang… mga ganyan.

“Kasi, eto ako, eh. Kumbaga, mas confident ako dito, sa pagbitaw ko ng linyang ito.  As in kahit may kausap akong Inglisero ang sagot ko sa kanya Tagalog. Naiintindihan ko naman yung sinasabi nila, hirap lang ako i-express kaya tinatagalog ko.”

Patuloy pa ni Loisa, “Hindi po kasi talaga ako lumaki sa pamilyang Inglisero at Inglisera. Tagalog po talaga kami. Laking kalye din po kasi talaga ako.”

Umaasa naman si Loisa na mamahalin siya ng fans kahit pa isa siyang jologs at hindi magaling mag-Ingles.

“Feeling ko, opo. Kasi gusto ko sila na maka-relate sa akin at ma-inspire na walang mali na hindi ka nakikisabay sa mga sosyal-sosyal. Hindi mo kailangang mag-pretend na hindi naman ikaw. Maging totoo ka lang, at least hindi ka nahihirapan na itago yung sarili mo, nai-enjoy mo pa yung mga ginagawa mo,” nakangiting pagtatapos ni Loisa.

 

La Boka
by Leo Bukas

Previous articleKahit baguhan, acting ni McCoy de Leon sa ‘Instalado’ puring-puri agad
Next articleDiyosa ng Kagandahan: Lovi Poe in Palawan!

No posts to display