Kris Bernal, jealous of 15-year old girl Aljur dated in Galera

NAKAKATUWA NAMAN AT panalo ang pagsugal ng GMA 7 sa loveteam nina Aljur Abrenica at Kris Bernal.

Dati nang mataas ang rating ng mga Sine-nobela ng GMA 7 at never itong natalo ng mga programang itinapat ng ABS-CBN 2, pero itong kina Aljur at Kris ang pinakamataas sa lahat.

Nu’ng nakaraang Huwebes, nakakuha ito ng pinakamataas na rating sa Mega Manila survey ng AGB na 32.4 percent. Ito na ang pinakamataas so far, na parang pang-primetime na ito. Bongga, ‘di ba?

Kaya alam kong meron na ring pang-Telebabad na inihahanda ang GMA 7 para sa dalawang ito, dahil talagang nasubukan na kung gaano sila kalakas sa mga tao.

Nu’ng nakaraang linggo nga sa Master Showman na taped mula sa Bangus Festival sa Dagupan, si Kris lang ang nakarating doon dahil hindi pumuwede si Aljur. Pero sobrang lakas ng tili sa kanya at talagang pinagkaguluhan ito ng mga tao.

Kaya kahit merong mga nagmamaladitang artista ang GMA 7 pagkatapos silang pinasikat, meron namang puwedeng pamalit dahil nandiyan na sina Aljur at Kris.

Tinuluyan na rin yata nila ang kanilang love team dahil meron na silang selosan factor, ha!

Naintriga nga kasi itong si Aljur na may nakakita raw sa kanya sa Puerto Galera nu’ng nakaraang Holy Week na may ka-date ng isang girl. Napag-alamang 15 years old pa lang daw ang girl na ito at ka-date daw ni Aljur.

Itinatanggi ito ng young actor. Totoong may kasama raw silang girl na napakabata pa, pero hindi raw niya ka-date ‘yun kundi sa isang kaibigan niya roon. Siya lang daw kasi ang kilala roon kaya ang buong akala nila, ka-date na ito ni Aljur.

Nagselos nga raw si Kris, pero napaliwanagan naman ito ni Aljur at okey na sila.

Ang latest daw, nag-react daw itong girl na pinag-usapan dahil talagang si Aljur naman daw ang ka-date niya at hindi ang kaibigan nito. Gusto nga raw nitong magpa-interview pero ewan ko lang kung papatulan ng ibang show dahil obvious namang ginagamit lang si Aljur para mapag-usapan.

Siguro naman hindi na magpapa-apekto rito si Kris dahil sa ganda ba naman ng takbo ng kanilang Sine-nobela, huwag na lang pansinin ang mga ganu’ng negang isyu.

Mga Mata ni Lolita
by Lolit Solis

Previous articlePacquiao-Hatton fight rates 56.7 percent
Next articleMartin Nievera, will go to prison after singing National Anthem?

No posts to display