KAHIT SARIWA pa kay Kim Chiu ang pagkamatay ng ina ay naging masaya ang atmosphere sa presscon ng Bakit Hindi Ka Crush ng Crush Mo? Pelikulang pagtatambalan nila ni Xian Lim under Star Cinema na idinirek ni Bb. Joyce Bernal.
Lalong sumaya ang presscon sa pagdating at pagdalo ng binansagang Internet Action Star na si Ramon Bautista na kalog pala in person. Base sa librong isinulat ni Ramon na isang UP professor ang movie.
Nagtawanan ang press sa naging sagot ni Ramon nang hingan ng reaction 
sa mga papuri sa kanya ng buong cast. Aniya, “Gusto kong ilibre sila ng extra rice at saka ng iced tea. Totoo ang mga sinabi nila. Naku, napakagaling ko talagang tao.”
Hindi nakaligtas ang lead stars na sina Kim at Xian sa tunay nilang relasyon since matagal na rin silang nali-link sa isa’t isa.
Sabi ni Kim, huwag na raw gawing big deal kung sila ba ni Xian or hindi.
“Kasi kung sabihin man naming kami or hindi, wala naman mangyayari at saka wala rin namang mawawala sa inyo o madadagdagan sa inyo. Hindi ba? Parang hindi naman importante ‘yung label. As long as nakikita ninyo kami, napapanood ninyo kami at napapasaya namin kayo. ‘Yun na ‘yun, eh. ‘Yun na lang ang pagbasehan natin. Hindi importante ‘yung “ah sila”, “ah hindi”. Puwede ninyong isipin ‘yun and wala naman mawawala sa amin, wala ring mawawala sa inyo.”
Sabi pa ni Kim, ayaw raw nila madaliin ang mga bagay-bagay. “Katulad ko, ang dami ko nang mga kaganapan sa buhay and ako, dinadahan-dahan ko ang mga nangyayari sa akin,” say ni Kim.
Oh. C’mon!
By Gerry Ocampo
