Kim Chiu at Gerald Anderson, balik-tambalan sa pelikula

ISANG KAKAIBANG Gerald Anderson ang mapapanood sa upcoming Star Magic 20th anniversary movie offering where he will be paired once again with Kim Chiu. Gaganap siya bilang isang macho dancer sa pelikula. Kuwento niya, “Isa po akong macho dan-cer ni Ate Pokwang. Siya po ang suki ko.”

Kim plays Pokwang’s daughter in the movie. “Mag-nanay kami ni Nanay Pokwang. Kino-control ko siya kasi minsan mas matanda pa ako sa kanya. Maganda iyong banter namin, funny and serious sometimes.”

Nagsimula nang gumiling ang mga kamera para sa shooting ng pelikula. Natitiyak kong super excited na ang mga Kimeralds na mapanood muli ang kanilang mga idolo na magkasama. Matagal ding panahon ang kanilang hinintay matapos ang huling pelikula ng dalawa noong 2010, ang Till My Heartaches End.

Lagi kong sinasabi na nakabibilib ang Kimeralds dahil sa kanilang hindi matatawarang katapatan kina Kim and Gerald. Ipaglalaban nila ang mga ito mawalan man sila ng mga boses sa kasisigaw, sumakit man ang kanilang mga mata at daliri kapa-follow sa Twitter, Facebook at Instagram para makakuha lang ng latest news, maubusan man ng mga cellphone loads just to vote in polls conducted on TV, mainitan man ng matinding sikat ng araw at pumila nang matagal masilayan lang ang kanilang mga idolo. Muli kaya nating makita ang lakas ng Kimerald power sa bagong pelikula ng dalawa? I’m sure, we will.

How does it feel to be reunited with each other after a long time? They were paired with different partners na pumasa rin sa panlasa ng publiko gaya nina Sarah Geronimo (Catch Me, I’m In Love at Won’t Last a Day Without You) and Xian Lim (My Binondo Girl at sa upcoming series na Ina, Kapatid, Anak).

“Siyempre maninibago ka kasi last project namin more than a year [ago] pa. Pero more than ilangan, siyempre mas excited, kasi iyong mga natutunan namin last year, maipapakita namin dito,” Gerald said.

Sabi nga noon ni Kim sa kanyang interview sa The Buzz nang tanungin about her new movie with Gerald. “‘Pag trabaho, trabaho. Siyempre kailangan naming gawin ito. Okay naman. We’re okay. We’re good friends.”

Kasama rin sa powerhouse cast sina Piolo Pascual, John Lloyd Cruz, Bea Alonzo, Angelica Pa-nganiban, Diether Ocampo, Jake Cuenca, and Maja Salvador.

Kaibigan, usap tayo muli!

Points of Boy
by Boy Abunda

Previous articleManny Pacquiao, nakapanlulumo ang pagkatalo kay Timothy Bradley
Next articleMayor Herbert Bautista, napakahirap lapitan ng nangangailangang taga-QC!

No posts to display