Kilalanin si Djanin Cruz!

Isa sa mga baguhang nakasali sa cast ng Grazilda ay si Djanin Cruz. Siya ang gumanap sa papel na Anatalia, ang isa sa mga wicked stepsisters na nagpapahirap kay Cinderella (Gwen Zamora). Lumalabas na rin siya noon sa iba’t ibang TV shows ng Siyete, pero ito ang kauna-unahang pagkakataong nabigyan siya ng isang regular show. Sino nga ba si Djanin Cruz?

Si Djanin Cruz ang bunsong anak nina Tirso Cruz III at Lyn Ynchausti. Kapatid niya ang dating childstar na si TJ Cruz at ang ex-PBB housemate turned Kapuso na si Bodie Cruz. Sa totoo lang, hindi na bago sa showbiz limelight ang dalaga. Una itong nakilala ng mga tao noong ongoing pa ang Pinoy Big Brother Season II. Siya kasi ang pinaka-visible sa pagpapakita ng suporta sa kanyang Kuya Bodie.

Palagi mang naiispatan sa mga showbiz events, hindi pumasok sa showbiz ang dalaga. Mas pinili niyang tapusin ang kanyang pag-aaral. Grumaduweyt siya sa La Salle sa kursong Business Management. Ilang beses na rin siyang kinumbinseng pumasok sa showbiz noon pero ngayon lang nagdesisyon si Djanin na tuluyan na itong pasukin.

Lumabas ito bilang kaibigan ni Carla Abellana sa The Last Prince. Lumabas rin siya sa Diva at Party Pilipinas. Ang pagganap bilang Anatalia ang masasabing biggest break niya sa Kapuso network. Kasama rin niya sa Grazilda si Bodie Cruz, pero hindi sila nagkaka-eksena.

Mara-mi ang nagsasa-bing malaki ang potensiyal ni Djanin na tumagal sa showbiz dahil sa kanyang looks. Puwede siya sa bida o kontrabida roles. Tumagal naman kaya sa showbiz ang dalaga ni Pip? ‘Yan ang kailangan nating subaybayan!

Visit http://www.pinoyfansclub.com or email us at [email protected].

Showbiz Blogster
by Mica Rodriguez
Pinoy Fans Club

Previous articleDehins buntis?!
Next articleHayden Kho, nambastos ng female host sa NU Rock Awards?!

No posts to display