JOHN LLOYD Cruz is a brilliant young man. Sa kabila ng kanyang mga pinagdaanan sa loob at labas ng showbiz, Lloydie remains on top of his game. Simula nang siya ay maging si Rovic sa Tabing-Ilog ay nakita ng publiko sa paglipas ng mga taon how he emerged as one of the most talented young actors of his generation.
I was able to interview him on Bandila habang nasa kasagsagan siya ng promotion ng kanyang bagong pelikula na Unofficially Yours with Angel Locsin.
Whether he admits it or not, sikat siya. Iyong bunsong anak nga ng kaibigan ko, gustong maging artista paglaki dahil gusto raw niyang maging sikat tulad ni Lloydie. How does he handle fame? “I try to handle it like money. You have to use it wisely,” he answered.
“Mayroon siyang silbi. Part iyan ng brand mo, part iyan ng pangalan mo, part iyan ng kung sino ka and you have to use it wisely. Iyon ang reality.”
Dumating ba siya sa isang punto ng buhay niya na naging mayabang siya dahil sa kanyang kasikatan? “Tumatanda lang. You tend to look for quality. Nagiging reasonable ka lang. Kasi tumatanda ka sa business na ito, natututo ka. Nagkakaroon ka na ng konsepto kung ano ang para sa iyo. Tina-try mo na makuha kasi iyon ang tingin mo na tama, so iyon ang susundan mo.”
Marami na siyang mga nakatambal na artistang babae tulad nina Angel, Sarah Geronimo, at Bea Alonzo. But if given the chance, he would like to do a project again with former loveteam and girlfriend Kaye Abad who was his partner in Tabing Ilog. Their team-up was one of the most favorite loveteams in the series.
“Sa aspeto na gusto ko siyang makatrabaho at mabigyan kami ng tsansa ng isang palabas.” He described Kaye as “forever simple.”
Malay natin, mabigyan nga uli sila ng isang project lalo pa’t aktibo ngayon ang career ni Kaye who is part of the series Angelito: Batang Ama. Kaye was previously interviewed at inamin niya na pangarap din niyang makatrabahong muli si Lloydie.
Kaibigan, usap tayo muli!
Points of Boy
by Boy Abunda
