JM DE GUZMAN
Real Name: Juan Manuel
de Guzman
Birth Date: September 9, 1988
Zodiac Sign: Virgo
Symbol: The Virgin
Ruling Planet: Mercury
Quality: Mutable
Element: Earth
Basic Trait: I Analyze
Closest Metal: Quicksilver
Lucky Day: Wednesday
LAUREN YOUNG
Real Name: Lauren Anne Young
Birth Date: November 8, 1993
Zodiac Sign: Scorpio
Symbol: The Scorpion
Ruling Planet: Pluto
Quality: Fixed
Element: Water
Basic Trait: I Desire
Closest Metal: Plutonium
Lucky Day: Tuesday
NAMI-MISS N’YO NA ba ang bonggang pag-iibigan nina Gabriel at Via noon sa teleseryeng ‘Mula sa Puso’? Dito umusbong ang worth remembering na loveteam nina Rico Yan (SLN) at Claudine Barretto. Hindi ba’t sa programang ito nag-umpisa ang kanilang controversial on- and off-cam romance?
May tsansa na ngayon ang new generation of teleserye addicts na masilayan ang madugong istorya ng pag-ibig ng Mula sa Puso dahil after fourteen years ay nagbabalik ito sa primetime. Nariyan pa rin ang mga karakter na iibigin at kaiinisan natin, pero focus muna tayo sa lead stars nito na sina JM de Guzman at Lauren Young.
Hindi na bago sa ABS-CBN sina JM at Lauren, pero ngayon lang sila ginu-groom bilang mga lead stars. In fairness, may chemistry naman talaga silang dalawa, huh? Pero wait… in real-life naman kaya ay perfect match din ang dalawa?
Compatible ang Virgo at Scorpio. Pareho silang simple at mahilig silang mag-imbestiga sa mga taong nakakasalamuha nila, kahit magkaiba sila ng paraan ng pag-atake. Walang kinakatakutan ang isang Scorpio, samantalang mas nanaisin ng Virgo na maging tahimik at maingat sa kanyang bawat galaw. Hindi maiiwasang magkaroon sila ng conflict pagdating sa pakikitungo sa ibang tao. Mas maingay ang Scorpio at likas na mahiyain naman si Virgo.
Malaking-malaki ang tsansa na tumagal ang pagsasamang ito. Nasa kanila ang mga basic personality traits na swak sa isa’t isa. Pareho din silang matalino at talagang kinakarir nila ang isang usapin kapag sakop ito ng kanilang interes. Ang pag-dedebate tungkol sa iba’t ibang isyu ang mas lalong magpapalapit sa kani-lang dalawa. Mas romantic ang Virgo at more than willing naman si Scorpio na yakapin ito. Basta mapatunayan nila na loyal sila at naiintindihan nila ang isa’t isa, sureball na match made in heaven nga ang outcome ng pagsasamang ito.
‘Yown naman pala, eh! Kung saka-sakali ay hindi mala-yong magkatuluyan din in real-life itong sina JM at Lauren. Bakit nga ba naman hindi, ‘di ba? Pareho namang single at ready to mingle ang bagong pambato ng Dos sa primetime. Kung ako sa inyo, karirin n’yo na ‘yan! Go lang nang go! Love lang nang love!
Pares-Pares
By Madam Damin
