AWARE KAYA si Zac Efron na unwittingly ay nagamit siya sa publicity ni Derek Ramsay?
Kalat na kalat na kasi ang photo ng Hollywood actor kasama si Derek na kuha pala sa Australia. Nagbakasyon kasi roon ang dyowa ni Angelica Panganiban at tiyempo namang naglalaro si Zac ng golf. Ang claim ni Derek ay si Zac ang unang lumapit sa kanya at nakipag-usap.
Anyway, nagkaroon ng media mileage ang photo nina Zac at Derek at talagang pinag-usapan.
Obviously, sa camp ni Derek nagsimulang kumalat ang photo.
GRETCHEN BARRETTO was honest enough to admit that she initially felt na consuelo de bobo lamang ang ipinalit sa na-shelve niyang soap opera.
“Honestly, I felt that in the beginning,” Gretchen said. “When I read the script…‘Ha? Bakit ganito?’ I have a lot of questions. For a while, gusto ko nang mag-backout,” esplika ng aktres na gumanap bilang reyna sa ipinalit na soap opera.
But as she taped a few scenes in Bhutan, “malalaman mo na it’s not consuelo de bobo”.
Ang tingin nga ni Gretchen ay masu-werte sila ni Albert Martinez.
“Sabi nga namin ni Albert, it’s a legacy. Now I can say this is a worthy replacement.”
Sobrang na-hurt pala si Gretchen when Alta was shelved to the point na halos ayaw niyang mag-comment tungkol dito.
“Hindi ako really prepared to talk about “Alta”. It’s really a very sensitive topic, very, very painful so hindi ko kinausap kahit sino except Boy (Abunda) and Bettina (Aspillaga). ‘Pag masakit ayaw kong pag-usapan. Ngayon, nawawala-wala na. Siyempre we all move on. No naman, may panghihinayang but I never questioned God’s plan. I may have to go through the hurt but I have to move on.”
Naging very supportive naman daw ang partner niyang si Tonyboy Cojuangco.
“Sabi niya sa akin, ‘hindi lahat ng gusto mo, makukuha mo. Hindi lahat ng dinadasal mo, ibibigay sa ‘yo. But you can rest in the comfort in knowing that God will always give you what’s best’. That was the valuable advice that I got (from Tony).”
Hindi ba niya idinaan sa pagsi-shopping ang naramdamang hurt?
“Retail theraphy ba? Hindi naman lahat ng sakit ay napapawi ng shopping.”
Umiwas si Gretchen na sagutin ang tanong na may kinalaman sa anak niyang si Dominique.
“Honestly, I’d like to only talk about my career. I don’t wanna to talk about my family life because I’m at this point in my career where I feel that I am a mature actor already. I’d like to keep my private life private,” sabi niya.
May isang reporter na nagtangkang kunin ang side ni Gretchen about a wild rumor pero nasopla siya kaagad ni La Greta.
“I’d rather not (answer) whatever it is (you will be asking) because if you ask me that then that means it’s not (true). I think I believe that I already mentioned earlier that I would like to talk purely about my career. No other thing else.
Whatever rumor that it is I don’t want because I’m not in this business for anything of that sort especially mag-e-air kami. Parang I don’t need anything that is negative or untrue. Rumors are rumors,” mahabang litanya ni La Greta.
Seemingly tired, Gretchen asked, “What else?” at pabiro nitong sinabi, “I am a queen, bow before me.”
Later, nalaman namin kung ano ang wild rumor na sinasabi ng reporter. Diumano ay buntis si Dominique.
OUT IN the open na pala ang magdyowang sina Chito Miranda at Neri Naig.
Nakita namin ang photo ng dalawa na magkasama sa isang out-of-town vacation noong Holy Week. Sweet na sweet ang dalawa habang nasa dalampasigan.
Parang ngayon lang namin nalaman na may bago na palang girlfriend si Chito. Hindi naman kasi siya natsitsismis kay Neri noon. Ang tsismis nga ay sila ni Angel Locsin noon.
Lex Chika
by Alex Valentine Brosas
