NAGSIMULA NA NGA ang workshop at story conference ng bagong teleserye nina Gretchen Barretto at Bea Alonzo. Ito dapat ang supposedly pagsasamahan ng magkapatid na Barretto pero dahil nag-ober da bakod na si Claudine, si Bea na ang nakakuha ng puwesto na ito. Malapit na ring gumiling ang kamera at isa-isa na rin naming nakikilala ang mga makakasama nila sa teleserye.
Isa sa mga malapit naming kaibigan, si Angel Aquino, ang magiging kontrabida ni Gretchen Barretto sa soap. Ayon sa nakausap naming staff ng show, “personally handpicked” si Angel sa role na ito dahil kung ganda at ganda lang naman din ang pag-uusapan, e, hindi naman daw magpapatalbog ang morenong host ng Us Girls. May mga ilang requirements lang ang naturang character niya bilang kontrabida na kailangan niyang talbugan sa ganda at mga kagamitan si Greta.
Naikuwento sa amin ni Angel ang kanyang excitement sa new project na ito at siyempre kung may kontrabida, meron ‘yang sampalan. Ang tanong, sino ang magpapasampal kanino? Ang tanging naikuwento lang sa amin ni Angel, sa kanilang story conference daw sinabi lang ni Greta na sa isang tao lang daw siya magpapasampal at ‘yun ay walang iba kundi si Angel Aquino. Taray huh!
Pero mas mataray pa rin talaga si La Greta dahil nakasalubong namin siya nu’ng Sunday matapos ang live show ng ASAP XV. Papunta siya sa 13th floor ng ABS-CBN ELJ Building para sa Summer station ID shoot nila ni Bea Alonzo. Magkasama sila ni Bea sa naturang shoot. At doon naipakita sa amin ‘yung bagong Range Rover na sasakyan ni Greta na bigay ni Tony Boy Cojuangco sa kanya! Kabog, ‘di ba?
AND SPEAKING OF Us Girls, sila ang magpapasikat mamaya sa Showtime. Sina Iya Villania, Chesca Garcia and Angel Aquino ang magpapakitang-gilas sa kanilang talento sa harap ng madlang people!
Mamayang gabi na rin ipalalabas ang simula ng Summer Episodes ng Us Girls sa Studio23. Mga tamang pagsuot swimsuits, mga accessories at mga magagandang lugar na puwedeng puntahan dito sa ‘Pinas. Lahat ng ‘yan ipapakita sa episode ngayong gabi ng Us Girls, 7 P.M sa Studio23.
Meron din pala’ng bazaar na magaganap sa March 13 at 14 ang Us Girls. Ito ay gaganapin sa Trinoma Cinema Lobby. Bukas ang bazaar during mall hours at may hinanda pa kaming entertainment at kung anu-anong gimmick para sa inyong lahat. Go na kayo, ha?! Check n’yo rin ang website ng Us Girls sa Facebook. Hanapin n’yo lang ang Us Girls!!!
NGAYONG SABADO NAMAN sa The Bottomline with Boy Abunda, haharapin na ni Department of Energy Secretary Angelo Reyes ang lahat ng katanungan ng taong bayan tungkol sa patuloy na brownouts at kakaulangan sa kuryente rito sa ating bansa lalo pa ngayo’t papalapit na ang eleksiyon! Walang uurungang katanungan. Lahat sasagutin. Sa Sabado na ‘yan, The Bottomline with Boy Abunda, pagkatapos ng Banana Split.
