Erich Gonzales, naninindigang hindi magiging No. 2 ng karelasyon

Erich Gonzales

HINDI RAW MUNA kailangan ng lalaki ni Erich Gonzales sa kanyang buhay ngayon dahil busy siya sa bagong project sa ABS-CBN na The Blood Sisters at sa promo ng pelikulang The Significant Other na showing on Feb. 21.

“Pwede naman po tayong ma-inspire sa iba’t ibang bagay. Hindi lang naman po natin makukuha yan sa isang relasyon, importante po na makilala niyo yung isa’t isa. Yun nga, meron naman po talagang taong destined para sa inyo,” pahayag pa ng aktres. 

Naninindigan din si Erich kung ano ang patakaran niya pagdating sa pag-ibig.

Aniya, “Rule number one po talaga is never be number two. So hindi po tayo dadating sa puntong yan.” 

Wow naman.

Matagal nang napapabalita na mayroong milyonaryong manliligaw si Erich na naka-helicopter pa raw kapag dinadalaw siya, pero ipinagkikibit-balikat lang niya ang tungkol dito.

Anyway, kasama ni Erich sa The Significant Other sina Lovi Poe, Dina Bonnevie, Snooky Serna  at Tom Rodriguez. The film is under the direction of Joel Lamangan.

La Boka
by Leo Bukas

Previous articleWHAT YOU SEE IS WHAT YOU GET: Paolo Ballesteros, walang planong gayahin si Mark Bautista
Next articleKAHIT BUSY SA PROMO NG ELNELLA MOVIE: Elmo Magalona at Janella Salvador, nakapag-date pa rin!

No posts to display