Enchong Dee, matindi ang pagka-crush kay Angel Locsin

ADVERTISING

Enchong Dee, matindi ang pagka-crush kay Angel Locsin

Enchong Dee, matindi ang pagka-crush kay Angel LocsinVERY VOCAL si Enchong Dee na matagal na pala niyang crush si Angel Locsin mula pa nu’ng nag-Darna ito sa Kapuso network. Hanggang ngayon daw, nandu’n pa rin ang paghanga niya sa actress. Lalo pa raw tumindi nang makatrabaho niya ito sa pelikulang Four Sisters And A Wedding with Bea Alonzo, Shaina Magdayao at Toni Gonzaga sa direksiyon ng box-office director CathyGarcia-Molina under Star Cinema. Kung walang Phil Younghusband si Angel, baka raw niligawan niya ang dalaga.

“Admiration lang ‘yung paghanga ko kay Angel, huwag po ninyong bigyan ng malisya. Masarap siyang katrabaho at napakahusay na actress. Napakabait, kaya ‘yung respeto ko sa kanya hindi mawawala lalo na nang makilala ko siya ngayon,” say ng young actor.

Inamin nina Toni, Bea, Angel at Shaina, wala pa sa isip nila ang magpakasal. Pero napag-uusapan nilang apat kung anong dream wedding na gusto nila if ever lumagay na nga sila sa tahimik.

Ibinuko ni Toni si Bea, “Ang totoo po, kinausap na ako ni Bea na kung puwede ako ang kumanta sa wedding niya if ever magpapakasal na siya. Ang sabi ko, sinabi mo ‘yan, promise, ako ang kakanta kahit saan pa gawin ang wedding ni Bea.  Sa simbahan, sa reception kahit saan, okay ako,” kuwelang sabi ng TV host-comedienne.

ADVERTISING

Enchong Dee, matindi ang pagka-crush kay Angel Locsin

KAHIT PAMBATA ang bagong show nina Joshua Uy, Milkcah Nacion, Marc Justine Alvares and Jullian Ward, kagigiliwan ninyo sila sa One Day Isang Araw ng GMA-7 every Saturday. Sa kanilang presscon, nagpakitang-gilas ang mga ito. Very confident na kumanta si Jullian, agaw eksena naman si Joshua sa dance floor na mala-Ryzza ang dance style. Very energetic, parang walang kapaguran at bibo kung sumagot sa mga tanong ng media. Pati nga reaction ng mukha ng child wonder ay gayang-gaya ng Joshua. Feeling nga nito para siyang nagpi-perform sa Smart Araneta. May pahagis-hagis pa ng kurbata ang bagets habang nagsasayaw. Tunay ngang nakaaaliw panoorin ang mga ito.

Bago naging Kapuso si Joshua, sikat na commercial model na ito. Pero nag-audition pa rin siya sa nasabing kids show dahil gusto niyang maging artista. Palibhasa bibo at cute na bata, napansin agad siya ng mga big boss ng Siyete. Ngayon nga papipirmahin ng exclusive contract si Joshua para i-partner kay Jullian Ward. Sa nakita naming performance ng dalawa, may chemistry nga sila as tandem.

Malakas rin ang dating ni Marc Justine na gumanap bilang anak ni Sen. Bong Revilla, Jr. sa drama-fantaseryeng Indio.  Napaka- telegenic on screen bukod pa sa mahusay umarte. Giliw na giliw nga si Isah Red sa bagets na ito, gustong ampunin at ilipat ng eskuwela sa La Salle kung pupuwede nga lang. Sanay palang mag-alaga ng mga bata itong kapatid namin sa panulat. Apat na puro lalaki pala ang pinalaki niya at ngayon nga raw may mga asawa’t anak na.

Kahit kids sina Joshua, Milkcah,March at Julia, mabilis ang kanilang imagination. Iba’t ibang character na angkop sa kanilang personalities  bilang mga bata. Siyempre, lahat ng bata nangangarap nang gising… kaya’t samahan natin silang maglakbay sa One Day Isang Araw.

AYAW Paawat!
by Eddie Littlefield

ADVERTISING