Enchong Dee, isinara na ang puso kay Julia Montes

ADVERTISING

Enchong Dee, isinara na ang puso kay Julia Montes

Enchong Dee, isinara na ang puso kay Julia MontesSA PAGDIRIWANG ng 60 taon ng telebisyon, Kapamilya Network presents it’s biggest drama series, Muling Buksan Ang Puso topbilled by three Kapamilya Network’s newest primetime idols – Teleserye Sweetheart Julia Montes, Versatile Actor Enchong Dee, and Next Ultimate Leading man Enrique Gil.

Hindi naging madali para kay Enchong na tanggapin agad ang nasabing teleserye, nagdalawang-isip ang binata kung dapat nga ba niyang tanggapin ito dahil may personal problem sila noon ni Julia. First time kasi silang magkakasama ng dati niyang ka-MU. Mahirap para sa binata na makatrabaho ang babaeng unang nagpatibok ng kanyang puso.

Ayaw ni Enchong maapektuhan ang kanilang trabaho kung hindi pa magiging maayos ang lahat para sa kanila ni Julia. “Nu’ng una kong malaman na may project kami ni Julia together, hindi agad ako nakapagsalita. Mata lang po ang gumalaw sa akin. Hindi ko alam kung ano ‘yung magiging resulta. Personal masyado ‘yung pinanggalingan. Ayaw kong masira ‘yung isang kuwento, magandang kuwento dahil lang sa aming dalawa. Kaya sinigurado ko munang maging maayos ang lahat bago ko tinanggap itong project. Sabi ko, napakaliit ng personal matters para hindi ko tanggapin ang trabahong ito na napakaganda nga,” paliwanag nito.

Akala naman ni Julia, binibiro lang siya ni Enchong nang sinabi nitong may project nga sila together. “Ang feeling ko, hinihintay lang niya ‘yung reaction ko. Pero at first, aminado ako, natatakot ako kasi nandu’n kami sa point na nagkakailangan kami. Iniisip ko, anong mangyayari kung nagte-taping na kami? Ang hirap-hirap umarte na may problema, as if okay na okay kayo, na professionalism. Hindi totoong professionalism ang gagawin ninyo, hindi totoo ‘yun. I could say, naging way rin ito, naging positive ‘yung outcome kaya naging okay kami,” dugtong naman ng young actress.

ADVERTISING

As an actor, may kakaiba kayang acting power na ipalikita si Enchong sa bago nilang drama series nila? “Ang bigat ng pressure na nanggaling ka sa top-rated show. Hindi maiiwasang i-compare ka, lahat kami galing sa top-rating teleserye. Ang hirap kung anuman ‘yung binigay sa aming responsibility. Ibibigay naming lahat kung ano pa ang puwede naming ibigay,” aniya.

Kung anuman ang namagitan kina Enchong at Julia, ayaw na ng actor muling buksan ang kanyang puso sa kanilang nabalintilawan na love affair. Mas maganda raw ngayon ang kanilang samahan bilang magkaibigan. Ayaw ng actor na bigyang kulay pa ang pagsasama nila sa soap. Mas maiging huwag nang pag-usapan pa ang nakaraan dahil pareho na raw silang naka-move-on.

Naudlot na nga ang pagmamahalan nina Enchong at Julia. Malaking factor sa kanilang relationship ‘yung mga intriga tungkol sa kanilang dalawa. Mas minabuti na ng actor na huwag nang pag-usapan ang issue. Ngayon nga, sa tono ng pananalita ni Enchong, parang ayaw na niyang magka-dyowa ng taga-showbiz. Kung sakaling magkaka-girlfriend siya, non-showbiz ang gusto niyang maka-relasyon. Malayo sa intriga at may privacy ang kanilang love relationship.

AYAW Paawat!
by Eddie Littlefield

ADVERTISING