Empress Schuck, ‘di na ‘pasabog’ ang pagbubuntis

Empress-SchuckNAGTATAWANAN ANG mga entertainment press sa pasabog raw ng talk show na buntis ang isang talent ng Kapuso Network dahil matagal nang alam ng mga ito ang nasabing pagbubuntis ng actress.

Dahil mabait at iginagalang ng karamihan ng press ang actress, lalo na ang manager nito kaya hindi nila sinusulat ang pagbubuntis ng actress.

Natawa ang kasama naming press nang bitinin pa raw sa isang talk show na may magsasalita sa kanilang TV show na isang actress, eh, alam na ng karamihan kung sino itong tinutukoy na buntis.

Anyway, masasabi pa rin na scoop ang buntis isyu dahil ‘di pa rin naman ito alam ng karamihan ng mga Pinoy na mahilig sa tsika at tsismis.

Ayon sa press na nakaaalam na matagal nang alam niya ang pagbubuntis ng actress. Ang tila non-showbiz guy raw ang nakabuntis sa actress.

Wala naman sigurong masama kung mabuntis si Empress Schuck dahil una ay tunay na babae ito at dalaga pa talaga.

Ang sayang lang ay kung kailan nabibigyan na siya ng magandang project sa GMA 7, saka pa siya nabuntis.

Maganda at seksi si Empress kaya, ‘di kami magtataka kung maging cute at maganda ang kanyang magiging anak kung ito ay magiging babae.

Oh. C’mon!
By Gerry Ocampo

Previous articleMarian Rivera at Dingdong Dantes, pasabik sa isyu ng pagbubuntis
Next articleEnrique Gil, mahilig magpaboso sa fans?

No posts to display