HINDING-HINDI RAW gagayahin ng isa sa cast ng pinakabagong soap ng TV5 ang Nandito Ako na si Alwyn Uytingco ang takbuhan at hindi pangatawanan ang babaeng kanyang mahal kung mabubuntis niya ito.
Tsika nga ni Alwyn nang usisain namin sa trade launch ng mga bagong show ng TV5 na ginanap sa NBC Tent sa Fort Bonifacio kaugnay sa isyung nabuntis nito ang kanyang GF na si Jennica Garcia, na ilang buwan ding nawala sa sirkulasyon na mariin naman nitong pinabulaanan.
Ayon kay Alwyn, hindi raw totoong buntis si Jennica, namahinga lang daw ito at namimili at naghihintay ng tama at magandang proyekto na ibibigay sa kanya. Pero if ever daw dumating sa puntong mabubuntis niya si Jennica, tatayuan daw niya ito at pananagutan.
Darating naman daw kasi sa puntong magkakaanak siya, kaya naman daw kung mangyayari ‘yun, masaya raw siya dahil mahal na mahal niya si Jennica at ito ang babaeng gusto niyang makasama sa kanyang buhay at maging ina ng kanyang mga magiging anak.
PANAY RAW ang novena ngayon ng star ng Felina: Prinsesa ng mga Pusa na si Arci Muñoz , dahil na rin sa malapit na itong ipalabas sa afternoon drama ng Kapatid Network.
Tsika pa ni Arci, napi-pressure siya dahil ipinagkatiwala sa kanya ng TV5 ang mag-buena mano sa hapon ang kanyang show. Alam naman daw niya na malalaking palabas ang kanyang babanggain sa dalawang higanteng TV network at nasanay na ang mga taong tumutok sa palabas sa hapon ng GMA-7 at ABS-CBN.
Pero nakikiusap ito na sana raw ay panoorin din or tumutok na sa Felina ang ating mga kababayan, dahil ilang buwan din daw nila itong ginawa para mapaganda. Ipinapangako raw nitong napakaganda ng kanilang show, bukod pa sa kakaibang Arci ang mapapanood ng kanyang mga tagahanga, kung saan siya raw ang lahat ng gumawa ng mga stunts sa Felina.
BACK TO noontime show via Game ‘N Go ang napakabait na host/comedian at very successful businessman na si Arnell Ignacio bilang isa sa game master ng pinakabago at aabangang palabas ng TV5.
Very thankful daw si Arnell sa pamunuan ng TV5 sa pagbibigay sa kanya ng panibagong chapter ng kanyang hosting career. Ito raw kasi ang gustung-gustong gawin ni Arnell.
Thankful din daw si Arnell kay Willie Revillame na nagtiwala sa kanya para maging host ng Wil Time Big Time kapag absent ito na alam nitong isa sa naging dahilan para mapansin siya ng TV5, at pagkatiwalaang mapasama sa Game ‘N Go.
Bukod kay Arnell, makakasama nito sa Game ‘N Go sina Gelli De Belen, Shalani Soledad-Romulo at ang pinaka-head ng game masters na si Edu Manzano. Tsika pa ni Arnell, malalaking papremyo raw ang mapapanalunan ng mga mananalo sa kanilang mga games.
WAGI ANG mga Kapuso stars sa katatapos na Asian Supermodel Festival na ginanap sa Korea kamakailan. Naging delegado ng Pilipinas ang mga artist ng GMA Artist Center na sina Gwen Zamora, Marvin Kiefer at Mike Tan na hindi nagpatalo sa mga kalahok mula sa iba’t ibang bansa sa Asya.
Ang Model Star Award ay napanalunan nina Mike Tan at Gwen Zamora while Marvin Kiefer bagged the award for the Best in Traditional Costume na mula sa designer na si Nono Palmos.
At ang GMA Artist Center Head na si Ms. Ida Henares ay naging bahagi rin ng competition since she was appointed as one of the judges for the said event at nagbigay ng special award sa pop singing group.
John’s Point
by John Fontanilla
