TATLONG LINGGO na lang mapapanood ang seryeng The Blood Sisters na pinagbibidahan ni Erich Gonzales. Grabe rin ang effort ng dalaga sa pagganap sa tatlong katauhan na may iba’t ibang looks at mannerisms. Hindi biro ang challenge na in-accept ng dalaga. Sakto rin na makakapag-concentrate ito sa promotion ng kanyang action film na “We Will Not Die Tonight”, na kasali sa Pista ng Pelikulang Pilipino.
Ngayon na nalalapit na ang pagwawakas ng The Blood Sisters, totoo ba na ang papalit dito ay ang inaabangan ng madlang pipol na The General’s Daughter, na supposedly ay big comeback ni Angel Locsin sa teleserye world?
Nakakaloka ang balitang ito dahil lalabas na parang ‘na-demote’ ang programa ni Angel Locsin. Oo nga at naging successful ang Wildflower ni Maja Salvador na grabe rin ang naging epekto sa manonood at hindi rin naman papatalo ang ongoing na The Blood Sisters ni Erich, but we all know na Angel Locsin deserves a primetime spot!
Idagdag pa na ang bigatin na female actresses ang kasama sa serye like Maricel Soriano, Eula Valdez, Janice de Belen at ang bagong-lipat from GMA-7 na si Ryza Cenon, na napansin ang galing dahil sa effective portrayal niya bilang eskandalosang kabit na si Georgia sa Ika-6 na Utos.
All the big and promising names para lang sa panghapon? ABS-CBN, linawin niyo ‘to , huh!
