Dahil kay John Lloyd Cruz: Ruffa Gutierrez, nakatatanggap ng mga pangit na text mula kay Shaina Magdayao?

Naku, ‘day! Alam n’yo namang hindi ako sanay mag-blind item kaya babanggitin ko na ang mga naglalabasang tsismis tungkol dito kina Shaina Magdayao at Ruffa Gutierrez.

Nu’ng nakausap ni Butch Francisco si Ruffa sa birthday party ni Sen. Jinggoy Estrada, ayaw naman nitong diretsong sagutin kung sino itong nagti-text sa kanya ng kung anu-anong paninira, pero obvious na si Shaina ang tinutukoy.

Ayaw niya talagang magbanggit ng pangalan pero kinumpirma nga ni Ruffa na nakatatanggap siya ng mga masasagwang text, dahil siyempre kay John Lloyd Cruz.

Naku! Pati nga si John Lloyd, ayaw rin niyang banggitin dahil ayaw na niya sigurong lumaki pa ang gulo.

May mga ilang artistang nakakikilala sa young actress at naniniwala silang kaya raw itong gawin ng bagets.

Naku, ha?! Parang ayoko namang paniwalaan iyan kasi nakakasama ko pa iyan noon sa Lira at ang bata-bata pa niya na walang kamalay-malay, ngayon nakikipag-away na sa mas nakatatanda sa kanya?

Kaya ayaw nang patulan ito ni Ruffa dahil sabi nga niya, namimili raw siya ng mga nakakaaway niya.

Lalo namang ayaw naman siguro niyang makipag-away dahil lang kay John Lloyd, ‘no?! May iba na yatang nali-link ngayon kay Ruffa na mas guwapong ‘di hamak kay John Lloyd. Kaya kung totoo mang nagti-text ng kung anu-ano itong si Shaina kay Ruffa dahil lang kay John Lloyd, huwag na niya sigurong gawin, ‘day! Kanyang-kanya na si John Lloyd, ‘di ba Ruffing?

Kaya lang, heto pa ang latest. Bakit bukod kay John Lloyd, nali-link naman si Patrick Garcia kay Shaina?

[ad#ad-text-links-1]

Naku, ha?! Bagets pa rin nu’ng kapanahunan ng Lira ang pagkakilala ko kay Shaina, kaya hindi ako sanay sa ganu’ng isyung kinasasangkutan niya.

Dapat mag-behave siya!

NAKIPAG-MEETING NA ITONG final 14 ng Starstruck V sa GMA Artist Center nu’ng kamakalawa ng hapon dahil sila na nga ang tatayong manager ng mga bata pagkatapos ng Starstruck na napanalunan nina Steven Silva at Sarah Lahbati.

Sana nga, may magandang plano sa kanila ang GMAAC para tuluy-tuloy na gaganda ang takbo ng kanilang showbiz career.

Bukod sa final 5, naaliw rin ako dito sa Haponesang si Nina Kodaka na sabi nga ni Joey de Leon, mukhang mas sisikat pa ito.

Nakatutuwa kasi ang karakter niya na parang walang kamalay-malay kaya bagay siya sa comedy.

Sabi nga niya, ayaw na raw niyang bumalik sa Japan dahil mas masaya raw rito kesa sa kinalakhan niyang bansa ng mga sakang.

Sabi naman ni Wilma Galvante, gusto nilang isa lang pa muna sa mas matinding workshop ang mga bata para magaling na sila ‘pag isalang na sila sa mga project na maibibigay sa kanila.

Gaya ni Steven na hindi pa rin marunong mag-Tagalog, gusto raw niyang gumastos sa pag-aaral niya sa Tagalog para matuto na siya talaga.

Isa raw ‘yun sa gagastusan niya sa 1.5 million pesos na napanalunan niya.

Congratulations sa dalawang ultimate survivor ng Starstruck V at sa buong staff, dahil isa ito sa pinakamagandang show na ipinalabas nila.

Mga Mata ni Lolita
by Lolit Solis

Previous articleAndi Eigenmann, pinatatanggal na ng inang si Jaclyn Jose sa Agua Bendita?!
Next articlePinoy Parazzi Vol. III Issue #252: February 24, 2010

No posts to display