CRISTINE REYES, UMAARAY SA PANINIRA!

KAMAKAILAN AY ISINULAT natin dito ang panig ni Sarah Gero-nimo tungkol sa hindi matapus-tapos na isyu sa kanila nina Rayver Cruz at Cristine Reyes. Para sa isang patas at balanseng pamamahayag, ibabahagi naman natin ang side ni Cristine. Matapos kasing magsalita ni Sarah tungkol sa naging relasyon nila ni Rayver ay marami ang nag-aabang at tinututukan ang kanyang reaksyon at mga komento.

“Kasi kung wala naman pong nakialam, ‘di naman po intensyon ng tao na pagsabayin talaga,” sey ni Cristine.

Paano raw mangyayari na pinagsabay sila ni Rayver kung naging sila ng aktor September 14 nung nakaraang taon, samantalang nag-break naman sina Sarah at Rayver summer of last year?

Wala raw siyang kasalanan sa nangyari at ayaw na niyang magsalita pa tungkol dito. Hindi raw totoo ang tungkol sa muli niyang mga pagpapasaring kay Sarah sa Twitter.

Although may imaheng palaban si Cristine, naaapektuhan pa rin daw siya ng mga negative write-ups about her and Rayver. Tao lang naman kasi siya na nasasaktan kapag may bumabato sa kanya.

“Siyempre, hindi naman alam ng mga tao. Hindi naman nila kami nakikita ‘pag wala sa camera. Nasasaktan din kami. Tingin kasi ng mga tao, porke’t nagalit ka, nakapagsalita ka ng mga gano’ng bagay, masama ka nang tao. Hindi naman po gano’n yun.

Para sa akin, nadaan lang po ako do’n sa pulso ko, ‘yung galit, pero it doesn’t mean na masama akong tao,” lahad ng aktres.

Gusto na raw niyang matapos ang gulo sa kanilang tatlo. “Basta ang wish ko lang, matanggap na lang po ng iba na masaya na kami and matanggap nila na wala po kaming kasalanan sa kanila.

“Matanggap nila na hindi namin ginusto ‘yung mga nangyari before. Basta ang naparating lang po namin na dapat, hindi po nila kami sinasabihan ng kung anu-ano, kasi, wala naman po kaming kasalanan. ‘Yun lang naman po yung sa amin.

“Tama na. Gusto ko na pong matapos ang isyu para tahimik na kaming lahat. Nasabi ko na ‘yung dapat kong sabihin. Naparating ko na ‘yung gusto kong maparating. Siguro, time na para mag-move on na tayong lahat,” pahayag pa ni Cristine.

When asked if she has a message for Sa-rah, wala raw siyang gustong sabihin pa rito.

Kaibigan, usap tayo muli!

Points of Boy
by Boy Abunda

Previous articleJUSTIN BIEBER, TINALUPAN SA INTERNET!
Next articleKRIS AQUINO AT TED FAILON, TWO MONTHS NANG MAGSYOTA?!

No posts to display