Cristine Reyes, nakapantulog sa date kay John Lloyd Cruz



FOOT LUCK!: KUNG hindi  dumaan sa paningin ni Diether Ocampo ang magagandang paa ng babae’ng kanyang minamahal ngayon na si Rima Ostwani-malamang na na-miss na naman niya ang isang magandang bagay na mangyayari uli sa buhay niya!

Inimbita ni Diether ang ilang press people sa kanyang outreach program for his K.I.D.S. (Kabataang Inyong Dapat Suportahan) Foundation sa Bulaon, Mexico, Pampanga. Dito nag-celebrate ng birthday si Diet kasama ang halos mahigit isang daang kabataang.

Pagkatapos ng kanyang feeding program, nakasalo naman ng press sa isang late lunch si Diet at sinabing  buti na nga lang daw at may foot fetish siya. Habang nagte-text siya, nakatawag ng pansin niya ang pagdaan ng magagandang mga paa ni Rima nang magkita sila sa isang event noong November last year. Kaya nang makita niya uli si Rima, hindi na niya pinigilan ang sarili para kilalanin ito.

Nilinaw ko kay Diet ang isyung gumagamit diumano siya ng steroids kaya kahit na ang ganda ng katawan nito kaka-gym, eh, inatake na lang nu’ng rehearsal niya sa Star Magic show nila sa Amerika.

“That’s not true! Hindi ako gumagamit niyan dahil matagal na akong naggi-gym at alam ko ang kailangan ng katawan ko. And besides, I took up Physical Therapy noon kaya pinag-aralan ko naman ang physical and physiological functions nito. Lilinawin ko rin po na wala akong sakit sa puso. Sabi nga ng doktor na tumingin sa akin doon sa US, pati na rito, malakas pa ako kesa kalabaw. Pero ‘yun nga, gaya sa isang makina, kapag sobra na sa gamit ay nagwe-wear out din. Dahil sa sobrang pagod at stress,‘yun po ang nangyari sa akin kaya ako nag-collapse du’n.” esplika ni Diet.

THE OWL AND THE PUSSYCAT!: PERSONAL naming nakilala ang isang tao’ng nagtatrabaho sa kontrobersyal ngayong Countryside Bar and Restaurant sa may Katipunan. Itago natin siya sa pangalang Anwar (pero hindi raw siya kamag-anak ni Sadat).

Ipinakita nito sa amin ang mga pics niya na kasama ang nagsasabing doon-lang sila-nagkita-sa-lugar-na-‘yon na sina John Lloyd Cruz at Cristine Reyes. Hindi magkasama sa pictures ang dalawa nang magpakuha. Kaibigan daw ni JL ang owner ng Countryside.

Hindi nga raw totoo ang nai-report na naghahalikan ang dalawa. Sweet-sweet-an lang daw na may hug-hug. Mali rin daw ang info na tatlo lang ang tao sa bar.  Ang tama, 3 or 4 groups of customers ang nasa bar during the time that they were there. Imposible raw ang sinabi ni Cristine na wala namang kumakain sa nasabing bar kasi malapit ito sa school. Pero sa ganoong time nga raw na madaling-araw, wala talagang kakain du’n dahil nang dumating daw doon ang dalawa kasama ang mga grupo nila, past midnight na ng July 15. Sabay raw umuwi ang dalawa around 2 a.m. Lasing na raw si JL pero sober naman si Cristine.

Ang punto lang ng aming kausap, sabay na dumating sina JL at Cristine, sweet-sweet-an sila at sabay umuwi. So, huwag daw sabihin ni Cristine na coincidence lang na nagkita sila dun ni JL, but du’n sila nag-date.

‘Eto pa, para nga lang daw nakapantulog lang ang Cristine nang dumating doon.

The Pillar
by Pilar Mateo

Previous articleDiether Ocampo, dinaan sa paa ng GF
Next articlePinoy Parazzi Vol. II Issue #107

No posts to display