Christian Bautista, kahit birthday nagtrabaho pa rin

Christian-BautistaSOBRANG HECTIC ng schedule ni Christian Bautista lately. Kahit nga sa mismong birthday niya noong October 19, nagtrabaho pa rin siya.

“It was actually a work celebration,” aniya. “And ang ganda kasi… sa Marian nagkaroon kami ng full dance number with Marian (Rivera) and Julie (Anne San Jose) that I never did in my life. ‘Yong talagang dance lang, ha? Na walang kanta. Tapos nag-number din ako sa Sunday All Stars.

“And then first time ko ring pumunta sa Philippine Arena. Kumanta ako ng half-time show sa PBA, sa laban ng KIA at ng Black water. I was tensed. Super-laki!” ang Philippine Arena ang kanyang tinutukoy.

“So, talagang fulfilling na worth… birthday. And the after that, pumunta ako sa Indonesia to sing for MNC TV. 25th anniversary nila. In-invite nila ako roon. Meron ding Malaysian singer and then Indonesians, tapos an Indian singer.

“Kasi parang small ASEAN (Association Of South East Asian Nations) event na rin iyon. Saglit lang ako sa Indonesia. In and out lang. Parang nagpunta lang ako ng Cebu!” tawa niya ulit. So, talagang fulfilling na worth… birthday.”

May mga projects na siyang ginawa sa Indonesia dati, ‘di ba?

“Yes. I did a TV show there. And a movie also, ‘yong A Special Symphony.”

Open ba siya sakaling may mga offers ulit sa kanya roon? “Right now I’m concentrating here in GMA. I thank God I have three shows here now… ‘yong Marian, Sunday All Stars, and Strawberry Lane. So, medyo dito muna ako hanggang December.”

Kahit magkaroon ng offers ulit sa kanya to do projects in Indonesia, hindi pa pala siya puwede dahil sa mga commitments niya rito? “Mahirap. Oo. If ever, it has to be like… so big siguro.”

Noong Linggo, October 26, nag-launch ng bago niyang single si Christian Bautista sa Sunday All Stars. Ito ay ang Up Where We Belong na siyang theme song ng bagong Koreanovela ng GMA 7 na Empress Ki.

“It’s my first single sa new album ko under Universal Records called Soundtrack. It’s a remake album ng mga favorite theme songs of movies. At kasama na rin do’n ‘yong song from Seasons Of Love na isa pang GMA series. Na… it’s a good good new offbeat fun OPM song,” sabi pa ni Christian.

Rubbing Elbows
by Ruben Marasigan

Previous articleRicardo Cepeda, lagare sa dalawang network
Next articleAi-Ai delas Alas, pinagtataasan ng kilay sa ‘last’ niya raw na relationship

No posts to display