Happy kami kay Christian Bables sa kasalukuyan niyang estado ngayon sa showbiz. Matapos na mapansin ang galing niya sa pag-arte as the bestfriend Barbs ni Trisha played by Paolo Ballesteros sa box-office hit na “Die Beautiful”, napansin din at nagbunga ang halos anim na taon niyang pagtitiyaga sa showbiz.
Kaliwa’t kanan na acting workshops, go-sees, at auditions sa mga roles na puwede naman na wala ‘yong karakter na ginagampanan niya, ngayon ay istariray na si Christian.
With the positive response ng publiko sa karakter niya dahil magaling naman talagang umarte, siya na ang latest Regal Baby ng mag-inang Mother Lily Monteverde at Roselle Monteverde.
Last Wenesday night, pumirma si Christian ng two-year exclusive movie contract sa Regal.
“Hindi ko ini-expect na darating ito sa career ko. After all the hardships ay heto, nagkabunga rin sa wakas,” sabi niya sa amin na alam mong masaya siya.
Mula nang mag-win siya ng Best Supporting Actor award sa nakaraang MMFF, left and right na rin ang offers kanya. Pero as of the moment, pinag-aaralan pa rin nilang mabuti para hindi sumablay ang magandang status niya ngayon sa showbiz.
This coming Saturday, mapanonood siya sa “Magpakailanman” as the lead character sa drama anthology na dinirek ni Maryo J. delos Reyes.
With his Regal Films’ contract, isang movie naman ang gagawin niya under Direk Chito Roño, kung saan si Daria Ramirez ang gaganap as his mother at si Mara Lopez naman as his girlfriend.
“Hindi ko alam kung papaano ko ide-describe ‘yong feeling na ‘to. Dalawa sa mga magagaling nating film direktor sa industry, makatatrabaho ko. Nag-look test na kami for the project of Direk Chito,” pagbabalita ni Christian sa amin.
Kuwento nga ni Mother Lily, napaiyak siya sa karakter ni Christian sa “Die Beautiful”.
“I love him. He is like my son,” pagmamalaki ng Regal Films matriarch sa ilang press people na nag-cover ng event.
Sa ngayon, floating pa si Christian kung saang TV network siya pipirma ng contract. May offer sa kanya ang ABS-CBN at ang GMA.
“Pinag-iisipan at pinag-aaralan pa naming mabuti ang mga offer. Pero gusto kong magkaroon ng teleserye,” pangarap ng aktor.
Reyted K
By RK VillaCorta
