HOW TRUE kaya ang tsika na pinoproblema raw ngayon ng isang management team ang kanilang prime talent na sikat na aktres?
Kung noon daw ay nagkakandarapa ang mga direktor, artista at producers na makatrabaho siya, ngayon ay tila umiiwas na sila.
Ang dahilan? Ang pagiging unreliable nito sa kanyang commitments at mas priority nito ang pagliliwaliw kaya nabibitin ang mga production.
Ang proyekto na dapat ay gagawin nito sa isang award-winning direktor ay kanselado na. Para kasi sa direktor, mas importante ang professionalism at hindi ito nasisilaw sa ningning ng pangalan ng artista. Pinipilit daw ng management ng aktres na kumbinsihin ulit ang direktor, pero nagmamatigas daw ito.
Ang lalaking nalilink naman sa young actress ay tuloy pa rin ang pagpasok ng biyaya. Marunong daw kasi itong makisama at kahit na kung minsan ay late ay marunong itong mag-apologize. Nadedeliver din nito ang performance na expected sa kanya.
Ang latest ay kanselado ang dapat na TV show na gagawin nito dahil natatakot ang production sa magiging aberya kapag natuloy ito.
Naku, mukhang kailangan talaga ng aktres ng guidance lalo pa’t dumarami na ang negative feedback tungkol sa kanyang work ethic.
