BB Gandanghari, banned in Aruba Bar

SINIKAP DIN NG Startalk na kausapin si BB Gandanghari para linawin ang isyung hindi raw siya pinapasok sa Aruba sa Metrowalk dahil naka-cross-dress ito.

Pinaunlakan daw ni BB ang imbitasyon ni Rannie Raymundo na manood ng kanyang show nu’ng nakaraang Huwebes, pero hindi naman ito pinapasok, kaya umuwi na lang daw siya na medyo shocked pa.

Gusto nga siyang interbyuhin via phone patch sa Startalk nu’ng Sabado, pero nakiusap itong huwag muna dahil “she is still in shocked” pa rin daw sabi ng assistant. Aayusin daw niya muna ang kanyang sarili pagkatapos niyang ma-shock dahil sa hindi ito pinapasok.

Pero ayon naman sa paliwanag ng kanyang PA, hindi naman daw napahiya sa maraming tao si BB nang pumunta ito ng Aruba. Naalala raw niya kasi ‘yung nangyari kay Inday Garutay. Kaya bago raw ito pumasok, nagpautos muna siya kung okay lang ba na pumasok siya sa naturang bar. Tumanggi raw ang security at sinabihan daw na hanggang labas lang siya, pero hindi puwede sa loob. Parang napahiya naman daw siya at medyo na-shock dahil sa pagtanggi sa kanya ng bar na ‘yun.

Isa sa mga araw na ito, magsasalita na raw si BB para ilahad ang karanasan niya sa naturang bar.

Sana naman kasi hindi na siya pumunta roon, dahil alam naman niyang ganu’n kahigpit ang bar na ‘yun. Ang hindi lang siguro matanggap ni BB na bading pa rin ang turing sa kanya, gayu’ng babaeng-babae na ang feeling at turing nito sa sarili.

Mga Mata ni Lolita
by Lolit Solis

Previous articleVina Morales gives birth to baby Cena
Next articleMar Roxas and Korina Sanchez uses Wowowee for Politics?

No posts to display