Arjo Atayde, willing magpakita ng puwet!

HANDA RAW magpaka-daring at magpakita ng behind ang anak ng magaling na aktres na si Sylvia Sanchez na si Arjo Atayde na regular na napapanood sa E-Boy sa isang indie film kung kinakailangan.

Paliwanag ni Arjo, artista raw siya at dapat hindi namimili ng role o proyekto na ibibigay sa kanya lalo na’t may maseselang eksena katulad ng pagpapakita ng konting flesh sa ikagaganda ng pelikula.

Dagdag pa nito na role naman ‘yun na kanyang ginagampanan at hindi si Arjo sa totoong buhay, as long as maganda raw ‘yung script at magaling ‘yung director ay game siya at gagawin niya ito. Kung sa ibang sa Hollywood stars nga raw ay minamani-mani lang ng mga international actors ang pagpapakita ng behind, bakit hindi raw kaya ng Pinoy na gaya niya. ‘Wag nga lang daw mag-frontal dahil hindi niya pa kaya at wala siyang kabalak-balak gawin ito sa ngayon, lalo na’t nagsisimula pa lang siya.

Singit pa nito na baka raw ito (indie film) pa ang maging daan para mapansin ang kanyang acting bilang baguhan at magbigay sa kanya ng nominasyon o award  sa iba’t ibang award-giving bodies.

SOBRANG SAYA ng tween star na si Kristoffer Martin sa nominasyong nakuha sa Star Awards for Movies para sa kategoryang New Movie Actor of the Year para sa pelikulang Tween Academy na magaganap sa March 14, 2012 sa Meralco Theater.

Makakatunggali ni Kristoffer ang kapwa Kapuso na sina Alden Richards, Derrick Mo-nasterio at Elmo Magalona na mga kasama rin sa said film; Rocco Nacino para sa Ang Sayaw ng Dalawang Kaliwang Paa; at ang mga Kapamilya stars na sina Matteo Gaudicelli for Catch Me I’m Fallin’ at Albie Casiño for Aswang.

Ito raw ang kauna-unahang nominasyong nakuha ni Kristoffer sa larangan ng pag-arte, kaya naman daw super-excited na ito sa darating na March 14. Biro nga nito, manalo man o matalo, gagawin nitong ins-pirasyon ang nominasyong nakuha sa Star Awards para pagbutihan pa ang kanyang trabaho. Nagpapasalamat nga raw ito sa pamunuan ng Philippine Movie Press Club sa nominasyong ibinigay sa kanya para sa pelikulang Tween Academy.

VERY VOCAL at hindi itinatanggi ng Kapuso Star na si Ellen Adarna na nagli-live in na sila ng kanyang BF, pero wala pa raw siyang planong mabuntis ngayong taon, dahil na rin sa dami ng trabahong dumarating sa kanya.

Marami pa raw siyang dream na gustong matupad. Sayang naman daw kung bigla-bigla na lang siyang mabubuntis ng walang plano sa kasagsagan ng kanyang papagandang career.

Tsika pa nito na may right time daw para sa mga bagay na katulad ng pagpapakasal. Pero as of this moment, wala raw siyang kaplano-planong mag-asawa. Basta ang mahalaga raw ngayon ay masaya sila ng kanyang BF na nagsasama at nagkakaintindihan sa mga priorities sa buhay, pero wala sa top spot sa ngayon ang pagpapakasal.

IDINENAY NG isa sa tiniti-liang miyembro ng sikat na boyband sa bansa ang XLR8 na si Arkin Del Rosario ang kanyang grupo, dahil nga balitang balak na nitong mag-solo katulad nina Aki Torio at AJ Muhlach na parehong nagsosolo na at may kanya-kanyang show sa TV5.

Tsika ni Arkin nang makausap namin sa thanksgiving party ng mga alaga ni Tita Geleen Eugenio sa Socialista Bar and Resturant sa Malate, totoong tumatanggap na siya ng solo project pero hindi raw totoong umalis na siya sa XLR8. Kasama pa rin daw siya sa group at rumaraket ng solo kapag may proyektong bagay sa kanya.

At bukod sa solo TV guestings ay may mga commercial din daw itong lalabas na hindi kasama ang ibang miyembro ng XLR8 at isang pelikula na pang-international kung saan makakasama nito ang dalawa sa miyembro ng Tween Hearts na si Teejay Marquez at Rhen Escaño.

John’s Point
by John Fontanilla

Previous articleVicki Belo, bading ang ipinalit kay Hayden Kho?!
Next articleSarah Geronimo, todo-bigay sa first episode ng bagong show

No posts to display