Angelika Panganiban turned down Jake Cuenca

KUNG “LITTLE BOY” ang tawag ni Angel Locsin kay Sam Milby habang nagte-taping sila ng Only You sa Korea, posibleng “Big Boy” naman ang tawag niya kay Diether Ocampo!

Wag mag-isip ng may malisya ang mga nagbabasa ng Bullchit ngayon, pagka’t hinding-hindi po inisip ni Angel na batang-isip o retarded ang dating dyowa ni Anne Curtis. Hinding-hindi rin po “little” ang karakas niya. Hinding-hindi.

“Naku, ha?! Simple lang po ang reason. He looks like a little boy to me. Little boys are fresh looking and neat. Parang kagagaling lang sa banyo, kaliligo, kasa-shower, ganu’n,” katuwiran ng dyowa ni Luis Manzano. Hindi rin niya sinasabing ang bango-bango nito at ang sarap yakap-yakapin. Otherwise, iiyak uli si Luis. Wala pa naman siya sa bansa at magsu-shooting ng movie with John Lloyd Cruz and his mom, the honourable Batangas Governor Vilma Santos.

Akala kasi ni Sam, hindi rin siya masarap kausap, at mababaw ang kanyang pananaw sa buhay.

Well, well, well. Binura agad ni Angel ang suspetsa ni Sam. Kinausap niya ang binata nang masinsinan at ipinaliwanag ang ibig niyang sabihin. Ngayon, all’s well between them.

Itinanggi naman ni Angel na “big boy” ang tawag niya kay Diether. Tulad ni Sam na ‘wag na ‘wag ding akalain na literal ang ibig sabihin nito. Actually, walang ibig sabihin si Angel, sakaling sinabi niya ito.

Kung mayroon man, posibleng dahil busog ito sa karanasan, hindi lamang kapag propesyon ang pag-uusapan at lalo na siyempre, kapag relasyon ang nasasangkot. Magaling din siyang lumusot sa mga “gusot” na kinasangkutan niya. Look, umaarangkada na naman ang kanyang profession, ang kanyang lovelife. In other words, masayang-masaya na naman si Diet ngayon. Kaya nga, poging-pogi siya, ‘di ba?

ALAM KAYA NG lahat na nanligaw si Jake Cuenca kay Angelica Panganiban? Hindi po ito ipinagkakaila ng binata. As a matter of fact, natanong pa niya ang inyong lingkod kung may “masasagasaan” siya kapag nag-pursue siya ng kanyang nararamdaman.

Bagong-bago pa noon si Jake sa Kapamilya station at nangangapa pa, lalo na sa pagkilatis sa mga dalagang napupusuan niya. Nataranta nga siya nang biglang sabihin ng dalaga na huwag na niyang ituloy ang panliligaw rito. In other words “basted” siya.

Naging sport naman si Jake. Like a real gentleman, tinanggap niya ang kanyang kapalaran.

Nagkatawanan pa nga sila, nang mag-krus muli ang kanilang landas sa The Bar, ang tonic drink na pag-aari ng sister ni Lorie Dionisio-Piravalasamy, ABS-CBN Corporate PR noong Sabado. Para silang walang nakaraan. Good for them, may pag-asa tuloy magkasama sila sa isang project. Kung naging ka-love team niya sina Shaina Magdayao sa Dragonna (kahit may John Prats ito), Kim Chui (kahit may Gerald Anderson), at Cristine Reyes (single siya ngayon), malalayo ba sila ni Angelica? May endorsement na nga silang napapanood ngaon, ‘di ba? At bagay rin sila, infairness, (kahit may Derek pa ito!)

BULL Chit!
by Chit Ramos

Previous articleBlind Item: Young actor, batik-batik ang nota!
Next articleKristine still has high hopes for Diether

No posts to display