KUMPIRMADO NA kung sino ang bagong babaeng nagpapatibok ng puso ni DJ Mo Twister. Kailan lang, nagbakasyon si DJ Mo Twister sa Greece, and marami sa ating mga kababayan doon ang nakamasid sa babaeng kasa-kasama niya. Mariin namang itinatanggi ni Mo ang mga paratang.
Subalit may bagong ebidensiyang lumulutang na magkasama na ang talent ni Annabelle Rama na si Angelicopter at si Mo.
Nakita si Angelicopter na tila “very sweet” na naglalakad kasama si Mo sa Santorini, Greece. At ngayon naman, may umuugong na balita na magkasama na sa iiisang bahay na sina Mo at Angelicopter sa New York.
Nadulas kasi ang isang kaibigan ni Mo na si Mr. Worthington sa kanyang pahayag sa Twitter. Kinumpirma ni Mr. Worthington na magkasama na nga ang dalawa.
Ayon sa tweet ni Mr. Worthington sa kanyang account na @dworthington: “Never to early to bump into @djmotwister and @TheAngelicopter. Great to see you this morning.”
Matatandaang si Angelicopter ay may anak na at asawa na hanggang ngayon ay nasa Maynila pa rin.
Parazzi Chikka
Parazzi News Service
