Angel Locsin, tuluyan nang sinukuan si Darna

ADVERTISING

 alt=

TULUYAN na ngang sinukuan ni Angel Locsin ang papel na Darna, matapos na mapagkasunduan nila ng Star Cinema na huwag na niyang gawin ang pelikula nito.

Angel Locsin, tuluyan nang sinukuan si Darna
Angel Locsin (courtsey of Instagram: therealangellocsin)

Malungkot mang balita ito sa maraming fans at supporters ni Angel, isinaalang-alang sa nasabing desisyon ang medical conditon ng aktres, ayon na rin sa press statement mula kay Kane Errol Choa, head ng Corporate Communications ng ABS-CBN.

Ayon sa statement, “ABS-CBN, Star Cinema, and Angel Locsin have mutually arrived at a final decision that she will no longer pursue the “Darna” movie due to her medical condition.”

Matatandaang nagkaroon ng pamamaga sa spine si Angel at kinailangang sumailalim sa surgery at theraphy.

ADVERTISING

Sa nasabing statement, sinabi rito na bumalik sa kanyang training si Angel bilang paghahanda para muling magampanan ang papel ng iconic Pinoy superhero. Pero dalawang beses umanong nakaramdam ng pananakit ng likod ang aktres habang nagte-training.

Pinayuhan si Angel ng kanyang doktor na umiwas na sa mga mabibigat na gawain kung ayaw niyang tuluyang ma-damage ang kanyang spine.

Isang action movie ang Darna. Mangangailangan ng maraming stunts, fight sequences, at mga pagbibitin sa harness ang gaganap sa role nito. At sa kondisyon ni Angel, hindi na nga niya kakayanin pa ang mga iyon.

Nawala man ang pelikulang Darna kay Angel, marami pa rin namang proyekto ang aktres na aabangan ng kanyang mga tagahanga.

Ayon pa sa statement, may special role si Angel kasama si John Lloyd Cruz sa teleseryeng “La Luna Sangre” na pagbibidahan nina Kathryn Bernardo at Daniel Padilla. Bukod pa ito sa teleseryeng pagbibihan ni Angel mismo. May gagawin din siyang pelikula kasama si James Reid, at isa pang pelikula kasama naman si Coco Martin.

Narito ang kabuuan ng press statement:

“ABS-CBN, Star Cinema, and Angel Locsin have mutually arrived at a final decision that she will no longer pursue the “Darna” movie due to her medical condition.

“We gave Angel our full support during and after her treatment in hopes that she would portray the iconic Filipino heroine.

“Because of Angel’s passion and dedication, she resumed training for the movie after undergoing surgery and therapy for the disc bulge in her spine.

“Unfortunately, Angel experienced backpain twice during training, prompting her doctor to advise her not to participate in strenuous activities to avoid permanent damage on her spine.

“We would have loved to see Angel fly again as Darna and take our hats off to her for the gargantuan efforts she has put in for the project.

“We wish her well as she will begin working on other projects, like a special role in “La Luna Sangre” with John Lloyd Cruz, a movie with James Reid, a movie with Coco Martin, and a teleserye.”

ADVERTISING