TINANGHAL NA ngang “American Idol” ang Georgia guitar man na si Phillip Phillips. Tinalo ng 21-year old cutie ang 16-year old Filipino-Mexican na si Jessica Sanchez sa finale ng American Idol.
Balitang gumawa ng bagong record ang Season 11 ng AI na nakapagtala ng 132 million votes para sa 2 finalists na sina Phillips at Sanchez.
Marami ang nagsabi na malaking tulong diumano ang votes na naibigay ng mga kababaihan lalo na ang mga teenage girls para tanghaling winner si Phillips.
Pero ano kaya ang masasabi nilang once na malaman nila na taken na pala itong si Phillips?
Isang nagngangalang Hannah Blackwell na pala ang nagmamay-ari ng puso nitong si Phillips at balitang head over heel pala ang binata sa GF nito.
“She is so excited for me. She supported me throughout all of this, and I love her to death,” pahayag ni Phillips.
Pahayag pa ni Phillips, “If a girl (voted) for me because I’m cute, and then gets mad that I have a girlfriend, then she doesn’t really like the music. I’m not some cute guy who is trying to be successful off that. I really want the music to come first.”
ANAK NI MICHAEL JACKSON SASABAK NA RIN SA SHOWBIZ!
PINASOK NA rin pala ng 14-year old na anak ng namayapang King of Pop na si Michael Jackson na si Paris Jackson ang mundo ng pelikula.
Kasama si Paris sa pelikulang “London’s Bridge and the Three Keys” pero isa sa kanyang mga tita na si Janet Jackson ang ‘di sumang-ayon sa pagpasok nito sa showbiz.
“We’ve spoken about the fact that you’re only a child once,” pahayag ni Janet sa isang interview sa Prevention magazine.
“I think there’s a time for everything, and now is not the time (to act in films). I told her that I thought she should enjoy being a kid, possibly go to college or not, but wait till she turns 19. She’s a very tough, smart girl. But it’s a cutthroat industry. I wouldn’t want my child to do it,” dagdag pa ni Janet.
CHRIS BROWN SAKIT NG ULO NG MGA KAPIT-BAHAY, CONDO IBEBENTA NA!
IBEBENTA NA ng wild child R&B singer na si Chris Brown ang kanyang West Hollywood condo!
Nabili ni Brown ang kanyang three-bedroom sa halagang $1.6 million noong February 2011 at balitang ibinibenta ito ng singer sa halagang $1.895 million lamang.
Hindi naging maganda ang pagtira rito ng ex ni Rihanna dahil ayon sa kanya ay nagbigay ito ng maraming problema kabilang ang $15,000 parking tickets na nakuha niya.
Naparatangan ding naging sakit ng ulo si Chris sa kanyang mga kapit-bahay dahil sa pagwawala nito kahit sa dis-oras ng gabi at pagba-vandalize sa ilang mga community property na naging dahilan para dumami ang kanyang mga haters.
Ngayong lalayasan na ni Chris ang naturang property ay magkakaroon na rin daw ng katahimikan ang kanyang mga kapit-bahay.
ELTON JOHN NAOSPITAL, SHOW SA LAS VEGAS NAKANSELA!
NAKANSELA ANG natitirang mga performances ng legendary singer na si Elton John sa Las Vegas dahil sa pagkaka-hospitalize nito dahil sa “serious respiratory infection”.
Sumailalim sa ilang mga tests ang singer sa Cedars-Sinai Medical Center at pinayuhan siya ng kanyang mga physicians na magpahinga ng isang linggo at uminom ng mga antibiotics para sa agaran nitong paggaling at maiwasan ang anumang paglala ng kanyang sakit.
“It feels strange not to be able to perform these ‘Million Dollar Piano’ concerts at the Colosseum. I love performing this show and I will be thrilled when we return. All I can say to the fans is sorry I can’t be with you,” sabi ni John.
Hollywood Expose!
By J. Roberto Zausa
