Alden Richards at Maine Mendoza, deadma sa mga basher

Alden Richards at Maine Mendoza, deadma sa mga basherAyaw na lang daw pansinin ng Phenomenal Love Team na AlDub nina Alden Richards at Maine Mendoza ang sandamakmak na namba-bash sa kanila.
Ayon nga kay Alden Richards, hindi naman daw nila mapi-please ang lahat na gustuhin silang dalawa ni Maine, at may mga tao pa rin na ayaw sila at gagawa ng paraan para sirain sila.
Pero solid daw ang samahan nila ni Maine Mendoza at walang puwedeng sumira nito. Magkasangga raw sila sa mga intrigang darating sa kanila at ito raw ang gagawin nilang challenge para mas patatagin pa ang kanilang love team.
Kaya nama daw labis-labis ang kanilang pasasalamat sa AldubNation, dahil sa walang sawang suporta at pagmamahal ng mga ito sa kanila ni Maine.

Arci-MunozArci Muñoz, lutang na lutang ang kaseksihan sa pelikula

TWICE NAMING napanood ang pinagbibidahang pelikula nina Gerald Anderson at Arci Muñoz na “Always Be My Maybe” under Star Cinema mula sa direksiyon ni Dan Villegas.
At kahit dalawang beses na namin itong napanood, kinikilig pa rin kami sa tambalan ng dalawa, at nakapag-create na naman ang Star Cinema ng new tandem na mamahalin ng mga manonood.
Win na win ang ganda at kakikayan ni Arci sa pelikula, halos lahat nga ng nakapanood ng said movie ay gandang-ganda kay Arci na malaki talaga ang iginanda mula noong nagsisimula ito.
May mga anggulo nga ito sa pelikula na kahawig nito si Anne Curtis, pero lutang na lutang din dito ang ganda ng kutis at katawan ni Arci, habang papable naman ang arrive dito ni Gerald.

Kristoffer-Martin-Joyce-ChingKristoffer at Joyce, magkasamang muli sa teleserye

DAHIL NA rin sa request ng mga supporters ng tambalang KrisJoy (Kristoffer Martin at Joyce Ching) sa pamunuan ng GMA 7, muling pinagsama ang dalawa sa primetime soap na “Because of You” na pinagbibidahan nina Carla Abellana at Gabby Concepcion.
Sobrang saya nga raw ng KrisJoy supporters dahil napagbigyan ng GMA ang hiling nila na mapanood ulit na magkasama sa isang soap ang kanilang fave stars ng Kapuso Network.
Wish nga rin ng KrisJoy fanatics na after ng pagsasama ng mga ito sa “Because of You” ay magbidang muli ang dalawa sa mga susunod na serye ng GMA 7.
Kitang-kita naman sa kislap ng mga mata, sa kilos, at galaw nina Joyce at Kristoffer ang kasiyahan na muli silang pagtambalin sa nasabing serye.

Boobsie-WonderlandBoobsie Wonderland, muling nakita at nayakap ang nawawalang ama after 30 years

HINDI NAIWASANG maluha ng up and coming comedienne na si Boobsie Wonderland nang makita niya nang personal at mayakap ang kanyang amang 30 years na niyang ‘di nakikita.
Sobra-sobra ngang pasasalamat ang gusto nitong iparating sa Diyos at sa taong nagbigay-daan para makita niyang muli ang kanyang ama, at ito ay ang kanyang kaibigang si Ate Gay na sumulat sa “Wish Ko Lang”.
Ayon nga sa post nito sa kanyang Facebook account: “PANGINOONG HESUS AT DIYOS AMA NA NASA LANGIT………maraming maraming salamat sa tao na ginawa niyong daan c ate gay (Gil Aducai Morales) upang magkita na kami ng totoo kong FATHER (Sergio Arrabis), for more than 30 years ngayon ko lang uli nakita ang pinakamamahal at super hinanahap kong ama.
“At masaya rin ako para sa mama ko (Teresita Raval) dahil nakita ko sa nga mata niya ang pagkasabik na mayakap muli ang first love niya at nagbunga ang kanilang pagmamahalan at siyempre ako yun ha ha ha,
“Thank you po Wish Ko Lang GMA 7 Ms Vicky Morales maraming maraming salamat .
Surprise nga raw ang naging pagkikita ni Boobsie at ng ama niya dahil akala niya ay may show sila ni Ate Gay sa Cebu, pero rito pala niya makikita muli ang ama through “Wish Ko Lang”.

John’s Point
by John Fontanilla

Previous articleMadonna, binastos ang bandila ng Pilipinas?
Next articleAhron Villena, nabawi ang na-carnap na kotse makalipas ang 6 na taon

No posts to display